މުސްލިމުންގެ މެދުގައިވެސް ޘަޤާފަތަކަށްވަމުން މިދަނީ ކައިވެނީގެ ހަފްލާތައް ބަރުކުރުމެވެ. އެކަމަކޫ ބޮޑު ކަންތައް ގަނޑަކަށް ހަދައި އެތައް ބައަކަށް ތަކްލީފްތަކެއް ކުރިމަތިކުރުވުމެވެ. ހަމަ އެޢާއިއެކު ޚަރަދުކުރަމުން ގޮސް ދަރަނިވެރިވެސް ވުމެވެ.
މިފަދައިން ކަންކަން ކުރާ މީހުން އަޅެ ނިކަން މިޙަދީޘްފުޅު ކިޔައިލަބަލާށެވެ!
Prophet Muhammad ﷺ said:
”The best wedding is that upon which the least trouble and expense Is bestowed.”
(mishkat)
ފަސޭހަކަމާއިއެކު އާދައިގެ ކައިވެނި ހަފްލާ ބޭއްވުމުގެ ރީތި އާދަ އަހަރެމެން ނަގާލައިފީމުއެވެ. އެ ރީތި ސިފަ ޚަރާބުކޮށްލައިފީމުއެވެ. ވިސްނައިލާށެވެ! އަހަރެމެން ކައިވެނިކުރަނީ ދެމަފިރިންގެ އުފާވެރިކަމަށާއި ﷲ ތަޢާލާގެ ރުހިވޮޑިގަތުން ލިބިގަތުމަށެވެ. ނަމަވެސް މިއަދު އެކަން ވެގެން މިދަނީ މުޖުތަމައުގައި ކުރެވޭ ވާދައަކަށެވެ. ޖެހޭ ބޮޑު ރޭހަކަށެވެ.
ކައިވެނިކުރުމާއި ކައިވެނީގެ ހަފްލާ ބޭއްވުން އެއީ އެއްވެސް ޙާލެއްގައި ބައަކަށް ތިމާމެންގެ މޮޅުކަން ދައްކަން ކުރާ ކަމަކަށް ނުހަދާށެވެ! ކައިވެނީގެ ޙަފްލާއަކީ ދެއްކުންތެރިކަމުގެ ރަސްމިއްޔާތަކަށް ހަދައިފިނަމަ ފުރަތަމަ އެއޮތީ ފެށުން ނުވަތަ ބިންގާ ގޯސްވެފައެވެ.
ކޮންމެ ކަމެއްގައިވެސް އިސްލާމް ދީނުގައިވާ ރިވެތި އުޞޫލުތަކުގައި ހިފަހައްޓާށެވެ! އިންތަކުގެ ތެރެއިން އަމަލުކޮށް ﷲ ތަޢާލާގެ ރުހިވޮޑިގަތުން ލިބިގަންނަން ގަދައަޅައި މަސައްކަތްކުރާށެވެ! ފަލާޙާއި ކާމިޔާބު ލިބުންވަނީ އެގޮތުގައެވެ!
--އިސްލާމީ ތިލަފަތުގެ ދަރުސަކުން
