ނަމާދުގައި ނަމާދުގަ އަތްތިލައިގެ ހުދުފުށް ޤިބުލައަށް ކުރިމަތިކޮށް ކޮނޑާއި ހަމައަށް ނުވަތަ ދެކަންފަތުގެ ފޫޅާއި ހަމައަށް އުފުލަން ޖެހޭ 4 މަޤާމެއް ރަސޫލް (ޞޢވ) ވަނީ ޙަދީޘްފުޅު ކުރައްވަވައިފައެވެ.
މިގޮތަށް އަތްތިލަ އުފުލާއިރު އިނގިލިތައް ދުރުކުރުމެއް ކައިރިކުރުމެއްވެސް ނެތެވެ. ޢާންމު ގޮތެއްގައި ހުންނަވަރަށް ބަހައްޓާށެވެ.
ފުރަތަމަ މަޤާމަކީ ޙަރަމްބަންނައިރެވެ.
ދުވަނަ މަޤާމަކީ ރުކޫޢަށް ދިއުމެވެ. ރުކޫޢަށް ދާނީ ޙަރަމް މޮހެލައި އެފަދައިން އަތް އުފުލައިލުމަށްފަހުގައެވެ.
ތިން ވަނަ މަޤާމަކީ ރުކޫޢުން ތެދުވާ ވަގުތެވެ. ރުކޫޢުން ތެދުވާއިރުވެސް އަތް ތރިކޮށް ދޫކޮށްލަން ވާނީ ހަމަ އެގޮތަށް ދެއަތް އުފުލައިލުމަށް ފަހުގައެވެ.
4 ވަނަ މަޤާމަކީ މެދު އައްތަޙިއްޔާތު ކިޔައި 3 ވަނަ ރަކްޢަތަށް ތެދުވާއިރުއެވެ. 3 ވަނަ ރަކްޢަތުގެ ޙަރަމް ބަންނަން ވާނީ ހަމަ އެފަދައިން ދެއަތްތިލަ ޤިބްލައަށް ކުރިމަތިކޮށް ދެކޮޑާއި ހަމައަށް ނުވަތަ ދެކަންފަތުގެ ފޫޅާއި ހަމައަށް އުފުލައިލުމަށްފަހުގައެވެ.
މިގޮތަށް އަތް އުފުލުމަކީ މުޞްތަޙައްބު ކަމެކެވެ. ރަސޫލް (ޞޢވ) ނަމާދު ކުރެއްވެވީ މިގޮތަށެވެ. މިގޮތަށް ޢަމަލުކުރައްވަވައި ނަމާދު ކުރެއްވެވުމަށްފަހު ޞަޙާބީންނަށް ޙަދީޘްފުޅު ކުރައްވަވާފައިވަނީ ތިމަންކަލޭގެފާނު ނަމާދު ކުރެއްވެވި ގޮތަށް ނަމާދުކުރުމަށެވެ. ކުރާ ނަމާދު ނަމާދަކަށް ވާނީ ރަސޫލް (ޞޢވ) ދަސްކޮށްދެއްވެވި ގޮތަށް ނަމާދުކުރުމުންނެވެ.
- ޝައިޚް މުޙައްމަދު ލަޠީފް
ލިޔުމުގައިވާ ވީޑިއޯގައި ޝައިޚް މުޙައްމަދު ވަނީ އެގޮތަށް އަތް އުފުލާނެ ގޮތް ޙަރަކާތުން ދަސްކޮށްދެއްވައިފައެވެ. ވީމާ އަމިއްލަފުޅަށްވެސް ދަސްކުރައްވާށެވެ! އަދި ދަރިންނަށްވެސް ދަސްކޮށްދެއްވާށެވެ!
ގުޅުން ހުރި ވީޑިއޯ:
