ބައެއް މައިން ބަފައިން ދަރިންނަށް ވަރަށް ގިނަ ކުޅޭ ސާމާނު ހޯދައިދެއެވެ. ނަމަވެސް ކުދިންނާއިއެކު ޚުލާނެ ވަގުތު އޮންނަ ކަމަކަށް ނުވެއެވެ. އެކަން ކުރަންވެސް ޖެހެނީ ގޭގައި ގެންގުޅޭ ނޯކަރަށެވެ.
ހަޤީޤަތަށް ބަލައިފިނަމަ ދަރިންނަށް ހޯދައިދޭ ގިނަ، އަގުބޮޑު ކުޅޭ ސާމާނުތަކަށްވުރެ ކުދިންނަށް މުހިންމު ވާނީ މަންމަ އާއި ބައްޕަ އާއިއެކުގައި ވަގުކޮޅެއް ހޭދަކުރުމެވެ. ޚާއްޞަކޮށް ދެމީހުންނާއިއެކުގައި ވަގުތުކޮޅެއް ހޭދަކުރުމެވެ.
ކުދިން ކުޑައިރު ކުދިންނާއިއެކު ކުޅެން ވަގުތު ހޭދަކުރަންވާނީ އެކުދިން ފަދަ ކުޑަކުއްޖަކަށް ވެސް ވެގެންނެވެ. އެކުދިންނާއި ބައިވެރިވެގެންނެވެ. ކުޅޭ ތަކެތިން ބޭނުންކޮށް ކުދިންނަށް ކުޅެން ދަސްކޮށްދެވޭނީވެސް ކުދިންނާއި ބައިވެރިވެގެންނެވެ.
ކުދިންނަށް ގޭމް ކުޅެން ދިނުމަކީ ނުވަތަ ކާޓޫނާއި ފިލްމް ބަލަން އާދަކޮށްދިނުމަކީ ކުދިންނާއި ގުޅުން ކެނޑޭ ކަމެކެވެ. ދެފަރާތުގެ ވާހަކަ ނުދެއްކޭތީއެވެ. އެންމެ ކުޑަމިނުން އެކަކު އަނެކަކަށް ހިނިތުންވެލުމުގެ ފުރުޞަތުވެސް ގެއްލޭތީއެވެ. ވީމާ ގޭމްކުލުމާއި ޓިވީބަލާ ވަގުތު މަދުކުރާށެވެ! ގިނަކުރަންވީ އެކުގައި ކުޅެން އުޅޭ ވަގުތެވެ!
