ރައްޔިތުންގެ މަޖްލިސް މިއަހަރަށް ހުޅުވީ ނެތިގޮސްފައިވާ ބިދުޢައެއް އައުކުރަމުންކަމަށްވާތީ ޑރ. މުޙައްމަދު އިޔާޟް ޢަބްދުއްލަޠީފް ކަންބޮޑުވުން ފައުޅުކުރައްވައިފިއެވެ.
"ނެތިގޮސްފައިވާ ބިދުޢައެއް އަލުން އިޢާދަކުރުމަކީ ވަރަށް ނުބައި ކަމެކެވެ. ތުންޖީނާ ޞަލަވާތަކީ ސުންނަތުން ސާބިތުވާ ޞަލަވާތެއް ނޫނެވެ. ވީއިރު މިއަދު މަޖިލިސް ފެށުމުގެ ކުރިން ބޭފުޅަކު ލައްވާ މިކަން ކުރުވިކުރުވުމަކީ ވަރަށް ބޮޑު ނުބައެކެވެ."
ތުންޖީނާ ޞަލަވާތް ކިޔެވުމާއި ޒިޔާރަތްތަކަށް ޒަދުރުބުނުމާއި އެތަންތަނާ އަރައި ހަމަވުމުން މޫނުގައި އަތް އެޅުން ފަދަ ކަންކަމަކީ ބިދުޢަ ކަމަށްވާތީ އެކަންކަން ކުރުން ޜާއްޖޭގައި ވަނީ ހުއްޓާލެވިފައެވެ. ނަމަވެސް އިސްލާމް ދީނުގެ ކަންކަން ފުރިހަމައަށް ނުއެނގޭ ޙާލު ކާފަކުރި ގޮތް ނޫން ގޮތަކަށް ދީނުގެ ކަންކަން ކުރައްވަން އުނދަގޫ ކަމަށް މަޖިލީހުގެ ރައީސް ގެންދަވަނީ ވިދާޅުވަމުންނެވެ.
ބިދުޢާވެރި ޢަމަލެއް ކުރާ މީހަކީ ކިތަންމެ މަތީ މަޤާމެއްގައި ހުރި މީހެއް ނަމަވެސް އަދި ކިތަންމެ މަތީ ތަނެއްގައި ހުރެ ކުރި ނަމަވެސް އެކަމުގެ ޙުކުމް ބަދަލެއް ނުވާނެއެވެ.
Nethi gosfaivaa bidhu'a eh alun iaadha kurumaky v nubai kameh. Thunjeena Salavaathaky Sunnathun Saabith vaa salavaatheh noon. Vee iru miadhu Majlis feshumuge kurin beyfulhaku lavvaa mikan kuruvi kuruvumaky v bodu nubayeh. @MohamedNasheed @mvpeoplesmajlis
— Dr Mohamed Iyaz (@dr_iyaz) February 3, 2020
