ބައެއް މީހުން ތައުބާވެ ހެޔޮ ޢަމަލުތައް ކުރަން ފަށަން ބޭނުންވަނީ ދެން އެހެން ގޮތެއް ނެތުމުންނެވެ. މުޞީބާތްތައް ކުރިމަތިވެ 4 ފަރާތުން މީހާ ބައްދައިލުމުންނެވެ. ސަލާމަތްވެވޭނެ އެއްވެސް މަގެއް ނުފެނުމުންނެވެ.
ނަމަވެސް މިއީ މުސްލިމުންގެ ސިފައަކަށްވެގެން ނުވާނެއެވެ! އަދި އެއީ މުސްލިމުންގެ ސިފައެއް ނުމެނޫންމެއެވެ. އެކަމުން އަންގައިދެނީ އެމީހެއްގެ ހިތުގައި ﷲ ތަޢާލާއަށް ބިރުވެތިކަން ނެތްކަމެވެ. އަދި އެމީހެއްގެ ހިތުގައި ﷲ ތައާލާއަށް އެއްވެސް ލޯތްބެއްވެސް ނެތްކަމެވެ.
މީސްތަކުން ﷲ ތައާލާ ދެކެ ލޯބިވާވަރަށްވުރެ މާބޮޑަށް ﷲ ތަޢާލާ މީސްތަކުން ދެކެ ލޯބިވެވޮޑިގަންނަވައެވެ. އެހެންކަމުން ކޮންމެ ވަގުތަކު ތައުބާވި ނަމަވެސް ﷲ ތަޢާލާ، އެކަލާނގެ ރުހިވޮޑިގަންނަވާ އަޅުންގެ ތައުބާ ޤަބޫލުކުރައްވަވަތެވެ.
އެހެންކަމުން ފުރަތަމަ ކަމަކަށް އޮތީ ﷲ ތަޢާލާގެ ރުހިވޮޑިގަތުން ހޯދަން އަބަދުވެސް ގަދައަޅައި މަސައްކަތްކުރުމެވެ. އެކަމަށް އޮތް މަގަކީ ތައުބާވެ ހެޔޮ ޢަމަލުތައް ކުރުން ގިނަކުރުމެވެ. ފާތަކާއި ދުރުހެލިވުމެވެ. ﷲ ތަޢާލާ މަތިވެރިކުރަން ގަދައަޅައި މަސައްކަތް ކުރުމެވެ.
