ރަސޫލް (ޞޢވ)ގެ ޙަދީޘްފުޅެއްގައިވަނީ ރޯދައަކީ އަޅާ ނަރަކައިން ސަލާމަތްވެގެންދާ އައްޑަނައަކަށް ވެގެންދާ ކަމަށެވެ. އެއީ ޤިޔާމަތް ދުވަހު ރޯދަ އާއި ޤުރްއާން މީހާއަށްޓަކައި ޝަފާއަތްތެރިވާނެތީއެވެ. އެމީހަކަށް ސުވަރުގެ ދެއްވެވުން އެދި ﷲ ތަޢާލާގެ ޙަޟްރަތުގައި ދަންނަވާނެތީއެވެ.
ރޯދައާއި ޤުރްއާނުގެ މަތިވެރިކަން ބަޔާންކުރައްވަވައި ރަސޫލް (ޞޢވ) ޙަދީޘްފުޅު ކުރައްވަވާފައިވެއެވެ. "ރޯދަ އާއި ޤުރްއާނާއި މި 2 އެއްޗަކީ ވެސް އަޅާއަށް ޤިޔާމަތް ދުވަހު ޝަފާޢަތްތެރިވާނެ ދެ އެއްޗެވެ.
ރޯދަ ދަންނަވާނެތެވެ. ހައްދަވައި ގެންގުޅުއްވަވާ އިލާހްއެވެ. ދުވާލުގަޑީގައި ޝަހްވަތްތަކާއި ކެއުންބުއިންތަކުން ދުރިހެލިވެގެން ހުރީ ތިމަންނާއަށްޓަކައެވެ. އެހެންވީމާ ތިމަންނާގެ ޝަފާޢަތް އޭނާއަށް ދެއްވަވާށެވެ!
ﷲ ތައާލާގެ ޙަޟްރަތުގައި ޤުރްއާން ދަންނަވާނެތެވެ. "ރޭގަނޑު އޭނާ ނުނިދައި ހުރީ ޤުރްއާން ކިޔަވަންވެގެންނެވެ. ވީމާ ތިމަންނާގެ ޝަފާޢަތް އޭނާއަށް ދެއްވަވާށެވެ!"
ވީމާ އަޅުގަނޑުމެންނަކީ ޤުރްއާނާއި ރޯދައިގެ ޝަފާޢަތް ފުރިހަމަގޮތުގައި ލައްވަވާ ބައަކު ކަމުގައި ލައްވަވާށި! އާމީން
- ޑރ. މުޙައްމަދު އިޔާޟް ޢަބްދުއްލަޠީފް މިއަދުނޫހަށް ދެއްވި ޚާއްޞަ ދަރުސަކުން
- ދަރުސްގެ ވީޑިއޯ:
