ކިރުމައި އަންހެނުންނާއި މާބަނޑު އަންހެނުން އެކަނބަލުންގެ އަމިއްލަ ނަފްސަށް ނުވަތަ ދަރިފުޅަށް ގެއްލުން ލިބޭނެ ކަމަށް ޤަބޫލުކުރެވޭނަމަ އޮތީ ރޯދަ ދޫކޮށްލުމެވެ.
އަނަސް ބިން މާލިކް (ރޢ)ގެ އަރިހުން ރިވާވެގެންވާ ޙަދީޘްފުޅެއްގައިވެއެވެ. "ހަމަކަށަވަރުން ﷲ ތަޢާލާ ވަނީ ދަތުރުވެރިންނަށް ނަމާދުގެ ދެބައިކުޅަ އެއްބައި ލުއިކޮށް ދެއްވަވައިފައެވެ." އެއިގެ މާނައަކީ 4 ރަކްޢަތް ނަމާދު 2 ރަކްޢަތަށް ﷲ ތަޢާލާ ވަނީ ލުއިކޮށް ދެއްވަވައިފައެވެ.
"އަދި ދަތުރުވެރިންނާ މާބަނޑު އަންހެނުންނާ ކިރުމައި އަނހެނުންނަށް ރޯދަ ހިފުން ﷲ ތަޢާލާ ވަނީ ލުއިކޮށް ދެއްވަވައިފައެވެ." އެހެންވީމާ އެފަދަ މީހުން ރޯދަހިފާކަށް ނުޖެހޭނެއެވެ. އެއިގެ ބަދަލުގައި ވިހައި ގަދަވުމުން ނުވަތަ ކިރުދީ ނިމުނީމަ، ނުވަތަ ކިރުދެމުން ނަމަވެސް ރޯދަ ހިފުމުގެ ކުލަދާނަކަން ލިބުމުން ގެއްލުނު ރޯދަތައް ޤަޟާކުރާނީއެވެ.
- ޑރ. މުޙައްމަދު އިޔާޟް ޢަބްދުއްލަޠީފް މިއަދުނޫހަށް ދެއްވި ޚާއްޞަ ދަރުސަކުން
ދަރުސްގެ ވީޑިއޯ:
