ރޯދަވީއްލާ ވަގުތު ﷲ ތަޢާލާއަށް ގިނަގިނައިން ދުޢާކުރާށެވެ! އެއީ ﷲ ތަޢާލާ ދުޢާ ޢިޖާބަ ކުރައްވަވާ ވަގުތެކެވެ. ރަސޫލް (ޞޢވ) ޙަދީޘްފުޅު ކުރައްވަވާފައިވަނީ "ހަމަކަށަވަރުން ރޯދަވެރިޔާއަށް ވެއޭ ތައްދު ނުކުރެވޭނެ ދުޢާއެއް!" މާނައަކީ ﷲ ތަޢާލާ އެދު ދުޢާ ޢިޖާބަ ނުކުރައްވަވައި ރައްދު ނުކުރައްވަވާނެތެވެ!
އެހެންކަމުން އަޅުގަނޑުމެންގެ އަމިއްލަ ދިވެހި ބަހުން ނަމަވެސް އެމީހަކަށް އެންމެ ބޮޑަށް ބޭނުންވެގެން ހުރިކަންކަމުން ރޯދަ ވީއްލާ ވަގުތު (ވަގުތު ޖެހުމުގެ ކުރިން) ދުޢާ ދަންނަވާށެވެ!
ذَهَبَ الظَّمَأُ ، وَابْتَلَّتِ الْعُرُوقُ ، وَثَبَتَ الأَجْرُ إِنْ شَاءَ اللهُ
ރޯދަވީއްލެވުމަށްފަހު ރަސޫލް (ޞޢވ މިފަދައިން ދުޢާ ކުރެއްވެވިއެވެ. މާނައީ "ކަރުހިއްކުން ފިލައި ހިނގައްޖެއެވެ. ނާރުތައް ތެމިއްޖެއެވެ. އަދި ﷲ ތަޢާލާގެ އިރާދަފުޅާއިއެކު ދަރުމަ ލިބޭނެކަން ކަށަވަރެވެ!" މާނައީ އެރޯދައިގެ ދަރުމަ ﷲ ތަޢާލާ ދެއްވަވާނެކަން ޔަޤީނެވެ.
އިތުރު ޙަދީޘްފުޅެއްގައި ވެއެވެ. "އެމީހެއްގެ ދުޢާ ޣ ތަޢާލާ ޢިޖާބަ ނުކުރައްވަވައި ދޫކޮށްލައްވަވާނެ 3 މީހަކުވެއެވެ. ފުރަތަމަ މީހަކީ ޢަދުލުވެރި އިންޞާފްވެރި އިމާމާ ނުވަތަ ޙާކިމް، ރައީސް އެވެ. އަދި ރޯދަވެރިޔާ އޭނާގެ ރޯދަ ހިފައިގެން ހުރިހައި ހިނދަކު އޭނާ ކުރާ ﷲ ތަޢާލާ ޢިޖާބަ ކުރައްވަވާނެއެވެ. އަދި އަނިޔާ ލިބިގެންވާ މީހާއެވެ. ވިލާތަކުގެމަތިން އޭނާގެ ދުޢާ އުފުލިގެންދާނެއެވެ. އަދި އޭނާގެ ދުޢާއަށްޓަކައި އުޑުގެ ދޮރުކޮޅުތައް ހުޅުވިގެންދާނެއެވެ. ﷲ ތަޢާލާ ވަޙީ ކުރައްވަވާނެތެވެ. ތިމަން ﷲ ގެ ޢިއްޒަތް ގަންދެއްވަވައި ވަހީކުރައްވަވަމެވެ. ފަހުން ނަމަވެސް (މިހާރުން މިހާރަށް ތިބާގެ ދުޢާ ޢިޖާބަ ނުކުރެއްވެވި ނަމަވެސް) ކޮންމެވެސް ވަގުތަކުން ތިބާގެ ދުޢާ ތިމަން ﷲ ޢިޖާބަކޮށްދެއްވަވާނަމެވެ."
އެހެންކަމުން އެއްވެސް މީހަކަށް އަނިޔާވެރި ނުވުމަށް ގަދައަޅައި މަސައްކަތްކުރަންވާނެއެވެ. އަނިޔާ ލިބޭ މީހާގެ ދުޢާއަކީ ﷲ ތަޢާލާ ރައްދުކުރައްވަވާނެ ދުޢާއެއް ނޫނެވެ.
- ޑރ. މުޙައްމަދު އިޔާޟް ޢަބްދުއްލަޠީފް މިއަދުނޫހަށް ދެއްވި ޚާއްޞަ ދަރުސަކުން
ދަރުސްގެ ވީޑިއޯ:
