ބޮޑުމަހުގެ ބަނޑުގައި އޮންނަވައިގެންވެސް ﷲ ތައާލާއަށް އިސްތިގްފާރު ނުކުރެއްވެވިނަމަ ޔޫނުސްގެފާނަށް ޖެހިވަޑައިގަތީހީ ޤިޔާމަތާއި ހަމައަށް މަހުގެ ބަނޑުގައި އޮންނަވަންކަމަށް ﷲ ތަޢާލާ ވަނީ ވަޙީ ކުރައްވަވައިފައެވެ.
އިސްތިޣްފާރުކުރާ މީހުންގެ ހިތާމަތަކާ މޮޅިވެރިކަން ފިއްލަވައި ދެއްވަވާނެކަމަށް ރަސޫލް (ޞޢވ) ވަނީ ޙަދީޘްފުޅު ކުރައްވަވައިފައެވެ. އ
އަދި އެމީހަކަށް ކުރިމަތިވެފައިވާ ދަތި އުނދަގޫ ކަމުން ސަލާމަތްވެވޭނެ މަގެއް ﷲ ތަޢާލާ ދައްކަވައިދެއްވަވާނެތެވެ. އަދި އޭނާއަށް ނުވެސް އެނގޭ ގޮތުގައި ﷲ ތައާލާ ރިޒްޤް ދެއްވަވާނެތެވެ.
ރަމަޟާންމަހުގެ ދުވަސްތަކާއި ރޭތަކުގެ ބޭނުން ހެޔޮގޮތުގައި ހިފާށެވެ! ގިނަގިނައިން އިސްތިޣްފާރުކުރާށެވެ! ދުޢާ ކުރާށެވެ! ކުރިމަތިވެފައިވާ މުޞީބާތްތަކުން ﷲ ތަޢާލާ އަހަރެމެން ސަލާމަތްކޮށް ދެއްވަވާނެތެވެ! އިން ޝާ ﷲ
- ޝައިޚް ޢިއްޒުއްދީން ޢަދްނާންގެ ދަރުސަކުން
ދަރުސްގެ ވީޑިއޯ:
