މުޅި ދުނިޔެ މިވަނީ ވަރަށް ނިކަމެތި ޙާލަތުގައެވެ. ﷲ ތައާލާގެ ރަޙްމަތަށް އިންތިހާއަށް ބޭނުންވެފައެވެ. މުސްލިމުންނަށް އޮތީ ރަޙްމަތަށް އެދި ގިނަގިނައިން ދުޢާކުރުމެވެ!
رَبَّنَا آمَنَّا فَاغْفِرْ لَنَا وَارْحَمْنَا وَأَنتَ خَيْرُ الرَّاحِمِينَ
މާނައީ: "އަޅަމެންގެ ވެރިރަސްކަލާކޮ! އަޅަމެން އީމާންވެއްޖައީމުއެވެ. ފަހެ، އަޅަމެންނަށް ފާފަފުއްސަވައި، އަޅަމެންނަށް ރަހްމަތް ލައްވާނދޭވެ! އިބަރަސްކަލާނގެއީ، ރަޙްމަތްލައްވާ އެންމެހެޔޮ ރަސްކަލާނގެއެވެ." (އަލްމުއްމިނޫން: 109)
ދުޢާ ކުރުމުގައި ބަލަންވީ ކޮންމެ ފަހަރަކު ދިގު ދުޢާއެއް ހޯދައިގެން ކިޔުމަކަށް ނޫނެވެ! ކިތަންމެ ކުރު ދުޢާއެއް ނަމަވެސް އިޚްލާޞްތެރިކަމާއިއެކު ގިނަގިނައިން ދުޢާކުރުމެވެ! ރަޙްމަތަށް އެދި މިފަދައިން ވެސް ދުޢާކުރާށެވެ!
رَّبِّ اغْفِرْ وَارْحَمْ وَأَنتَ خَيْرُ الرَّاحِمِينَ
މާނައީ: "އަޅުގެ ވެރިރަސްކަލާކޮ! ފާފަފުއްސަވައި ރަޙްމަތް ލައްވާނދޭވެ! އިބަރަސްކަލާނގެއީ، ރަޙްމަތް ލައްވާ، އެންމެހެޔޮ ރަސްކަލާނގެއެވެ." (އަލްމުއްމިނޫން: 118)
މިފަދަ ދުޢާތައް ހިތުދަސްކުރައްވާށެވެ! އަދި ގިނަގިނައިން ކުރައްވާށެވެ! ﷲ ތައާލާގެ ރަޙްމަތަށް އެދި ގިނަގިނައިން ދުޢާކުރާ މީހަކަށް ރަޙްމަތް ލައްވަވައި ރަޙްމަތް އިތުރުކޮށްދެއްވަވާނެތެވެ! އިން ޝާ ﷲ
- އިސްލާމީ ތިލަފަތުގެ ދަރުސަކުން
