މަނީ ލޯންޑްރިންގެ ތުހުމަތުގައި ކުރިމިނަލް ކޯޓުގެ ކުރީގެ އިސް ގާޒީ އަހުމަދު ހައިލަމަށް ފުލުހުންގެ އިދާރާއަށް ހާޒިރުވާން އަންގައިފިއެވެ.
ހައިލަމްގެ މައްޗަށް މަނީ ލޯންޑްރިންގެ ތުހުމަތު ކުރަނީ އޭނާއަށް ފޭދޫ ދާއިރާގެ ކުރީގެ މެންބަރު އަލްހާން ފަހުމީ 200،000ރ. ދިން މައްސަލާގަ އެވެ. މި ތުހުމަތުގެ ތަހުގީގަށް ހައިލަމް ފުލުހަށް ހާޒިރުވާން އަންގާފައިވަނީ އަންނަ އަންގާރަ ދުވަހުގެ ރޭ 20:00 އަށެވެ.
ހައިލަމް ކްރިމިނަލް ކޯޓުގެ އިސް ޤާޟީކަމުގެ މަޤާމުން އިސްތިއުފާ ދެއްވައިވަނީ މިދިޔަ އަހަރުގެ ޑިސެމްބަރު މަހުގެ 3 ވަނަ ދުވަހުއެވެ.
