މިއާމީ އޯޕެން ޓެނިސް މުބާރާތުގެ ފައިނަލަށް ނަޑާލް އާއި ފެޑެރާ ދަތުރުކޮށްފި

މިއާމީ އޯޕެން ޓެނިސް މުބާރާތުގެ ފައިނަލަށް ރަފެލް ނަޑާލް އާއި ރޮޖަރ ފެޑެރާ ދަތުރުކޮށްފިއެވެ.

ރަފެލް ނަޑާލް ފައިނަލުން ޖާގަ ހޯދީ ސެމީގައި ވާދަވެރި ކުޅުމަކަށްފަހު، އިޓަލީގެ ފަބިއޯ ފޮގްނީނީގެ މައްޗަށް 6-1، 7-5 އިން ކުރިހޯދައިގެންނެވެ. ރޮޖަރ ފެޑެރާ ފައިނަލުން ޖާގަ ހޯދީ 7-6، 6-7، 7-6 ން ކިރްގިއޯސް ބަލިކޮށްފައެވެ.

މިއާމީ އޯޕަމްގައި މީގެ ކުރިން ފަސް ފަހަރަށް ނަޑާލް ވާދަކޮށްފައިވީ ނަމަވެސް މި މުބާރާތް އޭނާއަށް ކާމިޔާބު ކުރެވިފައެއް ނެތެވެ.

އެހެންނަމަވެސް ރޮޖަރ ފެޑެރާ ވަނީ 2005 އާއި 2006 ވަނަ އަހަރު މި މުބާރާތް ކާމިޔާބުކޮށްފައެވެ.