ޕީޖީ ލީޑަރު އަޙްމަދު ނިހާން މިއަދު ކުރެއްވި ޓްވީޓެއްގައި ވިދާޅުވީ އދގެ ވަފުދާއިއެކު ބޭއްވި މަޝްވަރާ ބައްދަލުވުމުގައި އިސްކޮށް ހުންނެވީ ޕީޕީއެމްގެ ނައިބް ރައީސް، ޓޫރިޒަމް މިނިސްޓަރު މޫސާ ޒަމީރު ކަމަށެވެ. އަދި މި ބައްދަލުވުމުގައި ޕީޕީއެމްގެ އިސް ބައެއް ވެރިން ބައިވެރިވެވަޑައިގެންނެވި ކަމަށެވެ.
ޕީޕީއެމުން ބޭއްވި ނޫސްވެރިންގެ ބައްދަލުވުމެއްގައި ޕާޓީގެ ނައިބްރައީސް އަދުރޭ ބުނެފައިވަނީ ސަރުކާރުން އިދިކޮޅު ފަރާތްތަކާއިއެކު ބާއްވާ މަޝްވަރާ ބައްދަލުވުންތަކުގައި ބޭރުގެ ފަރާތަކުން މެދުވެރިއެއްގެ ދައުރު އަދާކުރާނަމަ އެފަދަ ބައްދަލުވުމެއްގައި ޕީޕީއެމުން ބައިވެރިނުވާނެ ކަމަށެވެ.
އދ ގެ ވަފުދުން މަސައްކަތްކުރަމުން ގެންދަނީ ސަރުކާރާއި އިދިކޮޅު ފަރާތްތަކުގެ މެދުގައި މަޝްވަރާތައް ފެށޭނެ ގޮތެއް ހޯދުމަށެވެ. ސަރުކާރާއިއެކު އިދިކޮޅު ފަރާތްތަކުން ބާއްވާ މަޝްވަރާ ބައްދަލުވުންތަކުގައި މެދުވެރިއެއްގެ ދައުރު އަދާކޮށްދިނުމަށް އިދިކޮޅު ފަރާތްތަކުން އދ އަށް ދިން ދައުވަތު އދ އިން ވަނީ ބަލައިގެންފައެވެ.
PPM Vice President, Hon Minister of Tourism @MoosaZameer along with Some PPM council members met with visiting UN Delegation headed by Mr Shin Umezu, Senior Political Officer of the Department of Political Affairs & team at PPM Office in Male’ @UN @Jameel_Usman pic.twitter.com/owqzpwXGP8
— Ahmed Nihan (@ahmed_nihan) March 27, 2018
