ޝައިޚް ޢަލީ ޒައިދުގެ މިޓްވީޓަށް ބަލާއިރު ބެލެވެނީ ބޭނުންފުޅަކީ ޖަލުތަކުގައި އަނިޔާ ލިބެމުންދާ މީހުން، ރަމަޟާން މަސް އައުމުގެ ކުރިން އެހާލަތުން ސަލާމަތްކޮށްދިނުން އެދިވަޑައިގެން ވިދާޅުވެފައިވާ ބަސްފުޅެއް ކަމަށެވެ.
ކްރިމިނަލް ކޯޓުގައި ޝަރީއަތްތައް މިހާރު ކުރިއަށް ގެންދާ ގޮތަށް ބަލާއިރު ލަފާކުރެވެނީ ރަމަޟާން މަސް އައުމުގެ ކުރިން، އެސްއޯގެ ދަށުން ބަންދުކުރި އެންމެންނަށް ޙުކުމް އިއްވާނެ ކަމަށެވެ.
ވަކީލުންނަށް ތައްޔާރުވެލުމުގެ ފުރުޞަތުވެސް އެކަށީގެންވާ ގޮތަކަށް ނުލިބޭ ގޮތަށް ބާރު ސްޕީޑްގައި މައްސަލަތައް ކުރިއަށް ގެންދާތީ ވަކީލުން ގެންދަނީ ކަންބޮޑުވުން ފައުޅުކުރަމުންނެވެ.
Ramazan mas aumuge kurin, thibaa, ehenihen meehunnah heyo vumakee zarooree kameh kamugai dhekemeve! Fahe Ramazan mahu, Allah tha'aala ves ekalaange alhun Narakain muhthi kurahvavaa kamugai vi eve!
— Sheikh Ali Zaid (@alizaid1000) April 28, 2018