އަނަސް (ރޢ)ގެ އަރިހުން ރިވާވެގެންވާ ޙަދީޘްފުޅެއްގެ މާނައިގައިވެއެވެ. "އެމީހާގެ އަމިއްލަ ނަފުސު ދެކެ އެމީހާ ލޯބިވާ ފަދައިން އެމީހާގެ މުސްލިމް އަޚާ ދެކެ ލޯބި ނުވާހައި ހިނދަކު އެމީހާގެ އީމާންކަން ފުރިހަމައެއް ނުވާނެއެވެ."
މި ޙަދީޘްފުޅުގައި ކައު އިތުރު ރަސޫލާ މުޙައްމަދު (ޞޢވ) އެ ބަޔާން ކުރައްވަވާ އަޚުންނަކީ ހަމައެކަނި އެއްބަނޑު އެއްބަފާ މީހުންނެއް ނޫނެވެ. ހަމަ ކޮންމެ މުސްލިމެކެވެ.
މުޖުތަމައުގައި ކަންކަން ހިނގާ ގޮތަށް ބަލައިފިނަމަ މި ޙަދީޘްފުޅުގެ މަތިން ހަނދާންކުރަނީ ހާދަ މަދު މީހެކެވެ. އެހެންކަމަށްވާއިރު މިއަދު މިއުޅޭ ގިނަ ބައެއްގެ އީމާންކަން ފުރިހަމަވާނީ ކިހިނަކުންހެއްޔެވެ؟
މި ޙަދީޘްފުޅުގެ މަތިން އެންމެން ހަނދާންކޮށް ޢަމަލުކުރާނަމަ މުޖުތަމައުތަކުގައި މިހާރު އުފެދިގެން މިއުޅޭ އެއްވެސް މައްސަލައެއް ނުއޮންނާނެއެވެ. ހުރިހާ މައްސަލަތަކެއް އުފެދެނީވެސް މި ހަދީޘްފުޅުގެ މަތިން ހަނދާން ނައްތައިލުމުންނެވެ.
އެހެން މީހުންގެ ހައްޤުތަކަށް އަރައިގަތުމާއި އަނިޔާވެރިވުމާއި ވައްކަމާއި ފަސާދައާއި މިފަދަ ހުރިހާ ކަމެއް ގޮސް ގުޅެނީ ހަމަ ހަދީޘްފުޅަށް ކަމަށް ބުނެވިދާނެއެވެ. މި ހަދީޘްފުޅަށް އަމަލުކުރާނަމަ އެފަދަ އެއްވެސް ކަމެއް އެއްވެސް މީހަކު ނުކުރާނެއެވެ.
އެފަދަ އެއްވެސް ކަމެއް އެއްވެސް މީހަކު ނުކުރާނަމަ މުޖުތަމައުގައި އޮންނާނީ ކޮން މައްސަލައެއް ހެއްޔެވެ؟ ކޮން ހަމަނުޖެހުމެއް ހެއްޔެވެ؟
- އިސްލާމީ ތިލަފަތުގެ ދަރުސަކުން -
Anas (RA) narrated that the Prophet (pbuh) said: "None of you believes until he loves for his brother what he loves for himself." (Tirmdi) This is one of the most forgotten Hadiths. How much do we really wish well for others? Hmmmm ?
— Hadith of the Day (@Hadithoftheday) May 21, 2018