ފަޓުލޫނުގެ ފައިކުރި އާ ގަމީހުގެ އަތުކުރި އޮޅައިގެން ނަމާދުކުރުން މަކްރޫހަ - ލިބެންވާ ސަވާބެއް ނުލިބޭނެ!: ޑރ. އިޔާޟް

އަބްދުއްލަތީފް
ކިޔުމަށް ހޭދަވާނީ 41ސ
ފަޓުލޫނުގެ ފައިކުރި އާ ގަމީހުގެ އަތުކުރި އޮޅައިގެން ނަމާދުކުރުން މަކްރޫހަ - ލިބެންވާ ސަވާބެއް ނުލިބޭނެ!: ޑރ. އިޔާޟް
ފިރިހެނުން ނަމާދަށް އަރާއިރު ހެދުން ނޯޅުމަށާއި އިސްތަށިގަނޑު ގޮށްޖަހާފައި ނުބެހެއްޓުމަށް ކީރިތި ރަސޫލާ މުޙައްމަދު (ޞޢވ) ވަނީ އަމުރުފުޅު ކުރައްވައިފައެވެ.

ޙަދީޘްކުރެއްވެވިއެވެ. "7 ގުނަވަން މަތީ ސަޖިދަ ކުރުމަށް ތިމަން ކަލޭގެފާނަށް އަމުރު ކުރެއްވެވިގެންވެއެވެ. އަދި ހެދުން ނުއޮޅުމަށާއި އިސްތަށިގަނޑުގައި ގޮށްނުޖެހުމަށެވެ."

މިޙަދީޘުން ދޭހަވާގޮތުން ގަމީހުގެ އަތުކުރީގެ އިތުރުން ފަޓުލޫނުގެ ފައިކުރިވެސް އޮޅައިގެންނުވާނެއެވެ. އެހެން ނަމަވެސް ފިރިހެނަކު ފައިކުރި ތަނބިކަށްޓަށްވުރެ ތިރީގައި ބަހައްޓައިގެން ނަމާދުކޮށްފިނަމަ އެ ނަމާދު ޞައްޙަނުވުން ގާތެވެ. އަތުކުރި އޮޅައިގެން ނުވަތަ ފައިކުރި އޮޅައިގެން ނަމާދު ކުރުމަކުން ނަމާދު ބާޠިލެއް ނުވާނެއެވެ. އެހެން ނަމަވެސް މަކުރޫހަވާނެއެވެ. މާނައަކީ ނަމާދުން ލިބެންވާ ފުރިހަމަ ސަވާބު ނުލިބޭނެއެވެ.

- ޑރ. މުޙައްމަދު އިޔާޟް ޢަބްދުއްލަޠީފް -


މިއަދު އޮންލައިން