އެމްޑީޕީގެ ރިޔާސީ ކެންޑިޑޭޓް ކަނޑައެޅުމުގައި ވަކި ބޭފުޅަކު ހަމަޖައްސަން ޖުމްހޫރީ ޕާޓީގެ އެއްވެސް މެންބަރަކު އެއްވެސް މަސައްކަތެއް ކޮށްފައެއް ނުވެއެވެ. ނަމަވެސް ޖުމްހޫރީ ޕާޓީގެ ރަނިންގ މޭޓަކަށް ވަކި ބޭފުޅަކު ނުވަތަ ބޭފުޅުން ކަނޑައެޅުމަށް އެމްޑީޕީގެ މެންބަރުން ފައުޅުގައި މަސައްކަތްކުރާތީ ވަނީ ކަންބޮޑުވުންތަކެއް އުފެދިފައެވެ.
ޖޭޕީގެ ސެކެޓްރީ ޖެނެރަލް އަޙްމަދު ސަމީރު ވިދާޅުވީ ޖޭޕީން ކުރާ ކޮންމެ ކަމެއް ވެސް ކުރާނީ ޕާޓީގެ ޤަވާއިދުތަކާއި އެއްގޮތަށް ކަމަށާއި ޖޭޕީން ނިންމަން ޖެހޭ ކަންކަން އަމިއްލައަށް ނިންމުމުގެ ޤާބިލުކަން ޖޭޕީއަށް ލިބިފައިވާ ކަމަށެވެ.
"ރިޔާސީ އިންތިޚާބުގައި ޖޭޕީގެ ފަރާތުން ކަނޑައަޅާ ރަނިންގ މޭޓަކު ނިންމުމަށް ޖޭޕީގެ ކައުންސިލުގައި ނަގާ ވޯޓުން، ކޮންމެ ބޭފުޅަކު ކާމިޔާބު ކުރެއްވި ނަމަވެސް އެ ނަތީޖާ އެމްޑީޕީ ވެސް އަދި އަޅުގަނޑު އަމިއްލަ ގޮތުންވެސް ބަލައިގަންނާނެ. ހުރިހާ ކެންޑިޑޭޓުންނަށް މަރުޙަބާ!"
Riyaasee Inthikhaab gai JP ge faraathun kanda alhaa Running Mate aku ninmumah JP ge Council gai nagaa vote in, konme beyfulhaku kaamiyaabu kurehvinamaves enatheejaa MDP ves adhi alhugadu amilla gothunves balai gannaane. Hurihaa Candidatunnah Marhabaa.
— Mohamed Nasheed (@MohamedNasheed) July 13, 2018
