ޖަނާޒާއެއްގަ ބައިވެރިވުމުން ލިބޭ ސަވާބު އެނގޭނަމަ ހަމަ އެންމެ ޖަނާޒާއެއްގައި ބައިވެރިނުވެ ދޫކޮށެއް ނުލާނެ!

އަބްދުއްލަތީފް
ކިޔުމަށް ހޭދަވާނީ 1މ 6ސ
ޖަނާޒާއެއްގަ ބައިވެރިވުމުން ލިބޭ ސަވާބު އެނގޭނަމަ ހަމަ އެންމެ ޖަނާޒާއެއްގައި ބައިވެރިނުވެ ދޫކޮށެއް ނުލާނެ!
ކަށުނަމާދެއް ކުރެވޭކަން އެނގިއްޖެނަމަ ކޮންމެ ގޮތަކުން ނަމަވެސް އެ ނަމާދުގައާއި ޖަނާޒާގައި ބައިވެރިވާން ބައެއް މީހުން މަސައްކަތްކުރެއެވެ. އަނެއް ބައަކު ދެކެނީ އެއީ ބޭކާރު ވަގުތަކެއް ކަމަށާއި ކަށުނަމާދާއި ޖަނާޒާގައި ބައިވެރިވުމަށްވުރެ ދުނިޔަވީ ކޮންމެވެސް މަސައްކަތެއްގައި ނުވަތަ ކޮފީ ބުއިމުގައި ވަގުތު ހޭދަކުރުން މާރަނގަޅުވާނެ ކަމަށެވެ.

އެފަދަ މީހުންނަށް ޑރ. މުޙައްމަދު އިޔާޟް ޢަބްދުއްލަޠީފްގެ މިޖަވާބު ފުދޭކަމަށް ފެނެއެވެ.

ސުވާލު: "އަޅުގަނޑަށް އެނގިފައިވަނީ މީހަކު ނިޔާވުމުން އެ މައްޔިތާ ހިނަވާ ކަފުންކޮށް ވަޅުލުމާއި ހަމައަށް ބައިވެރިވާ މީހުންނަށް އުހުދު ފަރުބަދައެއްގެ ސަވާބު ލިބޭނެ ކަމަށް. މިކަމުގެ ތަފްސީލް ލިބިދާނެތޯ؟"

ޑރ. އިޔާޟްގެ ޖަވާބު: "މައްޔިތާގެ މައްޗަށް ކަށުނަމާދުކުރުމާއި ހަމަ ބައިވެރިވެއްޖެނަމަ ޤީރާތެއްގެ މިންވަރަށް އަދި ވަޅުލުމާއި ހަމައަށް ބައިވެރިވެއްޖެނަމަ 2 ޤީރާތުގެ މިންވަރަށް ސަވާބު ދެއްވަވާނެ ކަމަށް އޮވޭ. ޤީރާތަކީ އުހުދު ފަރުބަދައިގެ މިންވަރު."

މަރުވީ ތިމާ ދަންނަ މީހެއް ނަމަވެސް ނުވަތަ ނުދަންނަ މީހެއް ނަމަވެސް އެމީހާގެ ޖަނާޒާގައި ބައިވެރިވެއްޖެނަމަ އެކަމުން މިއޮތީ އެހެރަ ބޮޑު އުހުދު ފަރުބަދަ ވަރުގެ ދެ ފަރުބަދަވަރުގެ ސަވާބު ހޯދޭށެވެ! މިހައި ފަސޭހައިން މިހައި ގިނަ އަދަދެއްގެ ސަވާބު ލިބެން އޮތްއިރު ޣާފިލުވެ ދޫކޮށްލަން ހެޔޮވެދާނެ ހެއްޔެވެ؟

މިއަދު އޮންލައިން