ޑރ. ޝަހީމް މިރޭ ވިދާޅުވީ ކޮންމެ ކަމެއްގައިވެސް ގޮތް ނިންމަންވާނީ ޤައުމަށް އެންމެ ފައިދާހުރި ގޮތަށް ބަލައިގެން ކަމަށާއި އަންނަ ރިޔާސީ އިންތިޚާބުގައި ވޯޓުދޭންވާނީ ޤައުމަށް އެންމެ ފައިދާހުރި ގޮތަށް ބަލައިގެން ކަމަށެވެ.
ޑރ. ޝަހީމް މިރޭ ދެއްކެވި ވާހަކަފުޅުގައި ވެސް ކުރު މުއްދަތެއްގެ ތެރޭގައި މަތީ ތައުލީމު ޙާޞިލުކުރަން ގިނަ ފުރުޞަތުތަކެއް މިސަރުކާރުން ހޯދައިދީފައިވާ ކަމާއި ރާއްޖޭގައި ތިބެގެން މިހާރު މެޑިސިން ކިޔެވޭކަން ފާހަގަ ކުރެއްވިއެވެ.
ޑރ. ޝަހީމް ވިދާޅުވީ ތިނަދޫގައި ހުންނަވާ ކޮންމެ ދުވަހަކުވެސް ގިނަ އަދަދެއްގެ ރައްޔިތުންނާއި ބައްދަލުވާ ކަމަށާއި ބައްދަލުވާ ރައްޔިތުންގެ މޫނުން ފެންނަ ހިނިތުންވުމުން އެމަނިކުފާނުގެ އަޒުމް ދަނީ ދުވަހުން ދުވަހަށް ވަރުގަދަވަމުން ކަމަށެވެ.
