ޝައިޚް ޢަލީ ޒާހިރު ވިދާޅުވީ އެކަން އެގޮތަށް ވާނީ އެފޮތަށް (ކީރިތި ޤްރްއާނަށް) އަމަލުކުރުމުން ކަމަށެވެ.
ޝައިޚް ޢަލީ ޒާހިރުގެ ބަސްފުޅުން އެނގިގެންދަނީ ކީރިތި ޤްރްއާން ކިތަންމެ ރީތި ރާގުތަކަށް ކިތަންމެ ގިނައިން ކިޔެވި ނަމަވެސް އަދި ކިތަންމެ ގިނައިން ކީރިތި ޤްރްއާނުގެ ވާހަކަ ދެއްކި ނަމަވެސް އެވަރަކުން އަދި ނުފުދޭ ކަމެވެ. އެކަންކަން ކުރުމާއިއެކު ކީރިތި ޤްރްއާނަށް އަމަލުވެސް ކުރަންޖެހޭ ކަމެވެ.
ކީރިތި ޤްރްއާނަށް އަމަލުކުރުމަކީ ﷲ ތަޢާލާ ކީރިތި ޤްރްއާނުގައި އަންގަވާފަދައިން އަމަލުކުރުމެވެ. ﷲ ތަޢާލާ ބާވައިލެއްވެވި ޙުކުމްފުޅުތައް، ހައްދުތައް ތަންފީޒުކުރުމެވެ.
އެއިގެ ތެރެއިން ތިމާ ބޭނުންވާ ބައި ނަގައި އަމަލުކުރުމާއި ބޭނުން ނުވާ ބައަށް އަމަލު ނުކޮށް ދޫކޮށްލުމަކީ ކީރިތި ޤްރްއާމަށް އަމަލުކުރުން ނޫން ކަމަށާއި މުޅި ކީރިތި ޤްރްއާނަށް ޢަމަލުކުރަންޖެހޭނެ ކަމަށް ދީނީ ޢިލްމުވެރިން ގެންދަވަނީ ވިދާޅުވަމުންނެވެ.
"ޤްރްއާނަކީ ތިމާ އާ އެއްކޮޅަށްވާ ޙުއްޖަތެއް ކަމުގައި ވޭތޯ ބަލާށެވެ. ދެކޮޅަށްވާ ޙުއްޖަތެއް ކަމުގައި ނުވެ ވޭތޯ ބަލާށެވެ. އެކަން އެގޮތަށް ވާނީ އެފޮތަށް އަމަލުކުރުމުންނެވެ."
Quran akee thima aa ehkolhah vaa hujjatheh kamuga hedheytho balaasheve. dhekolhah vaa hujjatheh kamuga nuve veytho balaasheve. ekan egothah vaanee e foih kiyavaa efothah amalu kurumunneve. #Quran_kiyevun #hafthaagetopic
— Ali Zahir bin Saeed (@alizahirsaeed) September 4, 2018