ޝައިޚް ޢަލީ ޒައިދު ވިދާޅުވީ މިފަދަ ކަންކަމުގައި، އަމިއްލަ އިޢްތިރާފަކީ އިތުރަށް ތަޙްޤީޤްކުރަން ޖެހޭ ކަންކަމެއް ނޫން ކަމަށާއި އެފަދަ މީހުންނަށް (މީހެއްގެ ހައްޤަކަށް އަރައިގެންފައިވާނެކަމަށް އިޢްތިރާފްވި މީހާއަށް) އޮންނާނީ ފިޔަވަޅު އެޅުން ކަމަށެވެ.
ޝައިޚް އަލީ ޒައިދު މިފަދަ ޓްވީޓެއް ކުރައްވާފައިމިވަނީ ރައީސް ނަޝީދަށާއި ޤާސިމް އިބްރާހީމް އަށް ރިޔާސީ އިންތިޚާބުގައި ވާދަނުކުރެއްވެވޭނެ ގޮތް ހެއްދެވީ ތިމަން މަނިކުފާނު ކަމަށާއި ރައްޔިތުންގެ މަޖިލީހުގެ 12 މެންބަރުންގެ ގޮނޑި ގެއްލުވާލުމުގައިވެސް އެންމެ ކުރީގައި ހުންނެވީ އެމަނިކުފާނު ކަމަށް ރައީސް ޢަބްދުﷲ ޔާމީން އިޢްތިރާފްވެވަޑައިގެންފައިވާ ވަގުތެއްގައެވެ.
"އެހެން މީހެއްގެ ހައްޤަކަށް އަރައިގަތްކަމަށް މީހަކު އަމިއްލައަށް (މިނިވަންކަމާއިއެކު) އިޢްތިރާފްވެއްޖެ ނަމަ، އެމީހަކަށް ދެން އެކަމުން ރުޖޫޢައެއް ނުވެވޭނެ! މިފަދަ ކަންކަމުގައި، އަމިއްލަ އިޢްތިރާފަކީ އިތުރަށް ތަޙްޤީޤްކުރަން ޖެހޭ ކަންކަމެއް ނޫން. އެފަދަ މީހުންނަށް އޮންނާނީ ފިޔަވަޅު އެޅުން!"
ehen meeheh ge haggah araigai kamah meehaku amilla ah (minivankamaaeku) iuthiraaf vejje nama, dhen emeehakah ekamun rujooa eh nuveveyne! mifadha kankamugai, Amilla iuthiraafakee ithurah thahgeeg kuran jeheyne kan kameh noon! e fadha meehunnah onnaanee fiyavalhu elhun!
— Ali Zaid (@alizaid1000) September 12, 2018