ޤިޞާޞް މާފުކޮށްފިނަމަ މަރުގެ ދިޔަ އާ ކައްފާރާ އާ ދެއެތިވެސް ދެން ޖެހޭނެތޯ؟ ނޫނީ ހަމައެކަނި މަރުގެ ދިޔަތޯ ދޭންޖެހޭނީ؟
މިސުވާލުގެ ޖަވާބުގައި ޝައިޚް ޝާފިޢު ވިދާޅުވެފައިވަނީ ޤިޞާޞްގަ އޮންނަނީ 3 ގޮތެއް ކަމަށެވެ. އެއީ 1. މަރަށް މަރުހިފުން. 2. މަރުގެ ދިޔަ ހިފުން. 3. މާފުކުރުން ކަމަށެވެ.
މަރާލެވިފައިވާ މީހާގެ ވާރިސުންނަށް މި 3 ގޮތުންކުރެ އެމީހަކު ބޭނުން ގޮތެއް އިޚްތިޔާރު ކުރެވިދާނެއެވެ.
އެހެންވީމާ މާފުކޮށްފިނަމަ މަރުގެ ދިޔަވެސް ދޭކަށް ނުޖެހޭނެއެވެ. މަރުގެ ދިޔަދޭން ޖެހިއްޖެނަމަ މާފުކުރި ކަމަކަށް ނުވާނެއެވެ.