އެންމެ މީހެއްގެ ހިމާޔަތުގައި ދިވެހި 400،000 ރައްޔިތުންގެ ޙައްޤުތަކަށް އަރައި ނުގަތުމަށް ސަލާމަތީ ބާރުތަކަށް ހިތަދޫ މެދު ދާއިރާގެ މެންބަރު އިބްރާހީމް ދީދީ އިލްތިމާސް ކުރައްވައިފިއެވެ.
ދިވެހި އަސްކަރިއްޔާގައި ދިގު މުއްދަތެއްގައި ޚިދުމަތް ކުރައްވައި ބްރިގޭޑިއަ ޖެނެރަލްގެ މަޤާމުގައި ރިޓަޔަރ ކުރައްވާފައިވާ އިބްރާހީމް ދީދީ ވަނީ އެންމެ މީހެއްގެ ހިމާޔަތުގައި ދިވެހި 400،000 ރައްޔިތުންގެ ޙައްޤުތަކަށް އަރައި ނުގަތުމަށް ޗީފް އޮފް ސްޓާފް އަހްމަދު ޝިޔާމަށާއި އޭސީޕީ ޢަބްދުﷲ ނާޒިމަށް ތަކުރާރު ކުރައްވައި ގޮވާލައްވައިފައެވެ.
އިބްރާހީމް ދީދީ ވިދާޅުވީ ފުލުހުންނާއި ސިފައިންގެ ވާޖިބަކަށް ވާންޖެހޭނީ ޤައުމުގެ ހުރިހާ ރައްޔިތުންގެ ހައްޤުތައް ހިމާޔަތްކޮށްދިނުން ކަމަށެވެ. އަދި އެއީ ސިފައިންނާއި ފުލުހުންގެ ޤައުމީ އަދި ޤާނޫނީ މަސްއޫލިއްޔަތާއި ވާޖިބު ކަމަށެވެ.