ޤާސިމް އިބްރާހީމްގެ ނަންފުޅުގައި ވެސް ދޮގު މެސެޖުތައް ފަތުރަނީ

އަބްދުއްލަތީފް
ކިޔުމަށް ހޭދަވާނީ 58ސ
ޤާސިމް އިބްރާހީމްގެ ނަންފުޅުގައި ވެސް ދޮގު މެސެޖުތައް ފަތުރަނީ
ޖޭޕީގެ ލީޑަރު ޤާސިމް އިބްރާހީމްގެ ނަންފުޅުގައި ވެސް ދޮގު ެމެސެޖުތައް ފަތުރަމުން ގެންދާތީ އެމަނިކުފާނު ކަންބޮޑުވުން ފައުޅު ކުރައްވައިފިއެވެ.

"އަޅުގަނޑުގެ ނަމުގައި ކަނޑައެޅިގެން ދޮގު އެސްއެމްއެސް ބައަކު ރާވައިގެން ވަރަށް ގިނަ ބައަކު ވަރަށް ގިނަ ބައަކަށް ފޮނުވަމުން ގެންދާކަން އެނގިއްޖެ. އެ އެސްއެމްއެސްއަކީ ކަނޑައެޅިގެން ބައަކު ހިންގާ ބޮޑު ޖަރީމާއެއް. އެ އެސްއެމްއެސްގައި އެވަނީ ޙަޤީޤަތެއް ނޫން - ޤާސިމް"

އިއްޔެ އިރު އޮއްސި 6 ޖެހުމުން ފެށިގެން މާދަމާ އިރުއޮއްސި 6 ޖަހަންދެން ކެންޕޭނު ކުރުމާއި އެންޓި ކެންޕޭނު ކުރުމަކީ ޤާނޫނުގައި މަނާ ކަމެކެވެ.

މިއަދުގެ މިހައިތަނަށް ބަލާއިރު ޤާސިމް އިބްރާހީމްގެ ނަންފުޅުގައި މެސެޖުކުރުމުގެ އިތުރުން ޝައިޚް އިމްރާންގެ ނަންފުޅުގައިވެސް ދޮގު އެސްއެމްއެސް ފޮނުވައި އެންޓިކެންޕޭނު ކުރަމުން ގެންދާކަން މިވަނީ ފާހަގަކުރެވިފައެވެ.



މިއަދު އޮންލައިން