ރައީސް ނަޝީދު ކުރައްވާފައިވާ ޓްވީޓެއްގައި ވިދާޅުވެފައިވަނީ "ރައްޔިތުންގެ މަޖިލީހުގެ ހުރިހާ މެންބަރުންނާއިއެކު މަޖިލިސް ބައްދަލުވުމެއް ބޭއްވުމަކީ، ރާއްޖޭގެ ސިޔާސީ ހަމަޖެހުމާއި ދިވެހިން ރިޔާސީ އިންތިޚާބުގައި ނިންމި ނިންމުމާއި އެއްގޮތަށް ކުރިއަށް ދިއުމަށް ކޮންމެހެންވެސް ބޭނުންތެރިކަމެއް!" ކަމަށެވެ.
ރައީސް ނަޝީދު މިއަދު މިމޭރުމުން ވިދާޅުވެފައިވާއިރު އިންތިޚާބީ ރައީސް އިބްރާހީމް މުޙައްމަދު ޞާލިޙް އިއްޔެ ވަނީ މަޖިލީހުގެ އިދިކޮޅު މެންބަރުންގެ ގޮތުގައި މިހާރު ތިއްބެވި މެންބަރުންނާއި ބައްދަލުކުރައްވައިފައެވެ.
އިންތިޚާބާއިބެހޭ މަސައްކަތްތަކުގައި އުޅުއްވުމަށްފަހު ރައީސް ނަޝީދު މިއަދު ވަނީ އިނގިރޭސިވިލާތަށް ފުރާވަޑައިގެންފައެވެ.
ރައީސް ޢަބްދުﷲ ޔާމީނުގެ ވެރިކަން ނިމެން ކައިރިވެފައިވީނަމަވެސް އަދިވެސް 12 މެންބަރުންގެ މައްސަލައިގައި ސްޕްރީމް ކޯޓުން ފައިޞަލާ ކުރުވަނިވި ޙުކުމެއްކޮށްފައެއް ނުވެއެވެ.
Rayyithunge Majlis ge hurihaa memberunai eku, Majlis bahdhal vumakee, Raajjeyge siyaasee hama jehumaai, Dhivehin riyaasee Inthikhaab gai ninmi nimmumai ehgothah kuriah dhiumah konmehenves beynuntheri kameh
— Mohamed Nasheed (@MohamedNasheed) September 26, 2018
