އިތުރު ބަހަނާތައް ނުދައްކާ ބަލި ޤަބޫލުކުރަން ނައިބް ރައީސް ޖިހާދު ގޮވާލައްވައިފި

އަބްދުއްލަތީފް
ކިޔުމަށް ހޭދަވާނީ 51ސ
އިތުރު ބަހަނާތައް ނުދައްކާ ބަލި ޤަބޫލުކުރަން ނައިބް ރައީސް ޖިހާދު ގޮވާލައްވައިފި
"ރާއްޖޭގަ ބޭއްވޭ އިންތިޚާބުތަކުގެ ނަތީޖާ ކޮންމެ ގޮތަކަށް އައިކަމުގަ ވީނަމަވެސް، އެއްވެސް އުޒުރަކާ ނުލާ އެ ޤަބޫލުކުރުމަކީ ހަމަ ކޮންމެ ފަރުދެއްގެ ވެސް ޒިންމާއެއް! އެދެނީ އަބަދުވެސް ޤައުމަށް ފާފަތި މުސްތަޤްބަލަކަށް!"

މިއީ ނައިބް ރައީސް ޢަބްދުﷲ ޖިހާދު މިރޭ ކުރައްވާފައިވާ ޓްވީޓެކެވެ.

ނައިބް ރައީސް މިފަދަ ޓްވީޓެއް ކުރައްވާފައި މިވަނީ ޕީޕީއެމުން ތަފާތު ބަހަނާތައް ދައްކައި އިންތިޚާބުގެ ނަތީޖާ އާއިމެދު ކަންބޮޑުވުންތައް އުފައްދަމުން ގެންދާ ވަގުތެއްގައެވެ. ޕީޕީއެމުން މިރޭވެސް ވަނީ 70 ވަރަކަށް މީހުންނާއިއެކު ދޮޅުލައްކަ މީހުން ދިރިއުޅޭ މާލޭގައި މުޒާހަރާއެއް ކޮށްފައެވެ.

އިންތިޚާބުގައި މައްސަލަތަކެއް ހުރިކަމަށް ބުނެ މުޒާހަރާކުރާއިރު އިލެކްޝަންސް ކޮމިޝަނުން މިއަދުވެސް ބުނީ އެއްވެސް ޝަކުވާއެއް އެކޮމިޝަނަށް ހުށަހަޅާފައި ނުވާކަމަށެވެ.




މިއަދު އޮންލައިން