ގެއަށް ސިހުރު ހަދާފައިވާކަމަށް ޝައްކުކުރެވޭނަމަ އެކަން ރަނގަޅު ކުރުމަށް ކުރަން ރަނގަޅު ރުޤްޔާ

އަބްދުއްލަތީފް
ކިޔުމަށް ހޭދަވާނީ 3މ 7ސ
ގެއަށް ސިހުރު ހަދާފައިވާކަމަށް ޝައްކުކުރެވޭނަމަ އެކަން ރަނގަޅު ކުރުމަށް ކުރަން ރަނގަޅު ރުޤްޔާ
ތިރީގައި މިވަނި ގެއަށް ހަދާފައި ހުންނަ ސިހުރުގެ ޙަޤީޤަތާއި އެކަމަށް ރުޤްޔާ ކުރާނެ ގޮތް ދެނެގަތުމަށް ކިޔަން ރަނގަޅު މައުލޫމާތު ކަމަށް ޑރ. މުޙައްމަދު އިޔާޟް ޢަބްދުއްލަޠީފް އިރުޝާދު ދެއްވާފައިވާ ލިޔުމެކެވެ.

ގެއަށް ހަދާފައި ހުންނަ ސިހުރު ބާޠިލުކުރުމަށް ކުރެވިދާން ރުޤްޔާ ތަކާއި ޢަމަލުކުރަންވީ ގޮތްތައް:

ގެއަށް ސިހުރު ހަދާފައި ހުރިކަމަށް ބެލވޭ ނަމަ، ނުވަތަ އެކަން ފާހަގަވެއްޖެނަމަ އެސިހުރުތައް ނައްތާލައި ބާޠިލުކުރުމަށްޓަކައި ކުރެވޭނެ އެތައް ރުޤްޔާއެއް ވެއެވެ. އަދި ޙާލަތާއި ގުޅޭ ގޮތުން ތަފާތު ކަންކަން ކުރަންވެސް ޖެހިދާނެއެވެ. ވީމާ މިގޮތްތަކުގެ ތެރެއިން، ކޮންމެ ބޭފުޅަކަށްވެސް އަމިއްލައަށް ކޮށްލެވޭނެ މިންވަރުގެ މުހިއްމު ކަންކަން ބަޔާންކޮށްލާނަމެވެ. ގެއަށް ހަދާފައި ހުންނަ ސިހުރަށް ފަރުވާ ކުރުމުގައި މައިގަނޑު ދެޙާލަތެއް ވެއެވެ. އެއީ:

1- ސިހުރު ހުރިތަން ހޯދައި ސިހުރު ނެގުން: މިލިޔުމުގައި ބަޔާންކޮށްފައިވާ ގޮތްތަކުންކުރެ ގޮތަކުން، ސިހުރު އޮތްތަން ހުވަފެނުގައި ޚަބަރު ވެއްޖެ ނަމަ ނުވަތަ ބަޔާންކޮށްފައިވާ އެހެންގޮތަކުންވިޔަސް ސިހުރު ވަކިތަނަކަށް ކޮށްފައި ހުރިކަމަށް ބެލެވިއްޖެނަމަ، އެތަނެއް ކޮނެ އެއްޗެއް އޮތްތޯ ބަލާށެވެ. ފަހެ އެއްޗެއް ނުފެނުނު ނަމަ، އެއެއްޗެއް ވީރާނާވެފައި އޮތީކަމުގައި ވެދާނެއެވެ. ނޫންނަމަ، އެއްޗެއް ވަޅުލުމުގެ ބަދަލުގައި އެތަނަކަށް އެހުރީ ދިޔާ އެއްޗެއް އަޅާފައެވެ. ނުވަތަ ވެލިފަދަ އެއްޗެއް އަޅާފައެވެ. އެހެންކަމުން މިޙާލަތުގައި ރުޤްޔާގެ ބޭނުންކުރާނީއެވެ. ސިހުރެއް ފެނިއްޖެނަމަ އެއްޗެއް ނަގައި ރޫޅާލާށެވެ. އަދި ސިހުރު ބާޠިލުކުރުމަށް ފެނަށް ރުޤްޔާ ކިޔަވާ، އޭގެތެރެއަށް އެއްޗެއްލާށެވެ. އަދި އެއެއްޗެއް ރަނގަޅަށް ހަލާކުކޮށްލާށެވެ. ކަރުދާހުގައި ލިޔެފައިވާނަމަ އަންދާލާށެވެ. މިފަދަ އެއްޗެހީގައި އަތްލާ ހެދުމުގެ ކުރިން ރައްކާތެރިކަމަށްޓަކައި، އާޔަތުލް ކުރިސިއާއި، ސޫރަތުލް އިޚްލާޞް ، ފަލަޤް، ނާސް، ކިޔަވާށެވެ. އަދި މިތަކެތި ރޫޅާ ނައްތާލާއިރުވެސް މިދެންނެވި ފަދައިން ކިޔެވުން އެދެވިގެންވެއެވެ.

2- ސިހުރު ހުރި ވަކި ތަނެއް ފާހަގަ ނުވިނަމަވެސް ގެއިން ސިހުރުގެ ޢަލާމާތްތައް ފެނުން: ސިހުރު ހުރި ވަކި ތަނެއް ފާހަގަ ކުރެވޭ ގޮތް ނުވެ، އެހެންނަމަވެސް ޢަލާމާތްތަކުން ގެއަށް ސިހުރު ޖެހިފައި ހުރިކަން ޔަޤީންވާނަމަ، ނުވަތަ މުޅި ގެއިންވެސް އެކި އުދަގޫ ވާކަން ފާހަގަވާނަމަ ރުޤްޔާގެ ބޭނުންކުރާނީއެވެ.

މިދެންނެވި ކޮންމެ ޙާލަތެއްގައިވެސް، ރުޤްޔާގެ ބޭނުންކުރާށެވެ. އެހެނީ ސިހުރު ފެނިއްޖެނަމަ އެސިހުރު ނެގިތަނަށް ރުޤްޔާ ކިޔަވާ ފެން އަޅަންވާނެއެވެ. އެއީ އެތަނުން އޭގެ އަސަރު މުޅިން ފިލުވާލުމަށްޓަކައެވެ. އަދި ނުފެނުނު ނަމަ ގޭގައި ރުޤްޔާކުރާނީއެވެ. މީގެ އިތުރުން ހަނދާނުގައި ބަހައްޓަންވީ ކަމަކީ، ކުރިންވެސް ބަޔާންކުރިފަދައިން، ފުރަތަމަވެސް، ގެ އިޞްލާޙްކުރާށެވެ. މިކަމުގެ ތަފްސީލް ކުރިން ވާނީ ބަޔާންކޮށްފައެވެ. ރުޤްޔާ ކުރުމުގެ ކުރިން ކޮންމެހެންވެސް އެބައިތައް ބަލައި އެއަށް ޢަމަލުކުރުމަށް ހަނދުމަފުޅުކޮށް އަރުވަމެވެ. އެކަންކަން ކުރުމާއިއެކު، ސިހުރު ބާޠިލުކުރުމަށް ކުރާނެ ރުޤްޔާތައް ބަޔާންކޮށްލަމެވެ. ރުޤްޔާއަކީ އިޖްތިހާދީ ކަމަކަށް ވީހިނދު، އަދި އެރުޤްޔާއެއްގައި ޝިރުކާއި ޙަރާމް ކަމެއް އެކުނުލެވޭ ނަމަ އެރުޤްޔާއެއް ހުއްދަކަމުގައި ވެފައި، އިޖްތިހާދެއްގައި ވެސް ހުންނަން ޖެހޭ މިންގަނޑުތަކަށް ފެތޭ ގޮތަށް އަމިއްލަ ތަޖުރިބާއާއި، ހުއްދަ މިންގަނޑުގެ ތެރެއިން ރުޤްޔާތައް ބަޔާންކުރުމަކީ ކުރެވިދާނެ ކަމެއް ކަމުގައި ޤަބޫލުކުރާ ހާލު ދަންނަވާލަން އޮތީ މިބަޔާންކުރާ ކޮންމެ ރުޤްޔާ އަކީވެސް މިދެންނެވި މިންގަނޑުން ބަޔާންކުރާ ރުޤްޔާއެއްކަމެވެ. އެހެންކަމުން ކޮންމެ ރުޤްޔާއަކަށް ވަކީން ޝަރުޢީ ނައްސެއް ނުވަތަ ދަލީލެއް، އޮންނާކަށް ނުޖެހެއެވެ. މިދެންނެވި މިންގަނޑު ތަކުން ބޭރު ނުވާނަމަ މައްސަލައެއް ނެތެވެ.

ރުޤްޔާތައް:
http://maithiri.com/47532/
މިއަދު އޮންލައިން