ސައުދީ އަރަބިޔާގެ ރަސްގެފާނު ސަލްމާން ބިން އަބްދުލްްއަޒީޒްގެ ޚާއްސަ ދައުވަތަކަށް، ރާއްޖޭގެ ކުރީގެ ރައީސް މުޙައްމަދު ނަޝީދު އެޤައުމަށް ފުރާވަޑައިގެންފިއެވެ.
ސައުދީއަށް މިކުރެއްވި ދަތުރުފުޅުގައި އެމަނިކުފާނުގެ އަރިހުގައި ކުރީގެ ފޮރިން މިނިސްޓަރ އަހުމަދު ނަސީމް ވެސް ވަޑައިގެންނެވިއެވެ.
އިންތިހާބީ ރައީސް އިބްރާހިމް މުހައްމަދު ސޯލިހު މިއަހަރުގެ ރިޔާސީ އިންތިހާބު ކާމިޔާބު ކުރައްވާފައި ވަނިކޮށް، ސައުދީ ރަސްގެފާނުގެ ދައުވަތަކަށް ރައީސް ނަޝީދު މިކުރައްވާ ދަތުރުފުޅާ ގުޅޭ ތަފްސީލެއް އެއްވެސް ފަރާތަކުން ހާމަ ކުރައްވާފައެއް ނުވެއެވެ.