ބައެއް މީހުން ތިމާއަށްޓަކައި ދުޢާކޮށްދޭން ބުނެފައި އެމީހަކު އެކުރާ ފާފައެއް ކުރުންމަތީގައި ދެމިތިބެއެވެ. އެމީހުންނަށް އެކުރެވެނީ ޑ ތަޢާލާއަށް ފުރައްސާރަކުރުމުގެ ޢަމަލެކެވެ. އެއީ ވަރަށް ނުރއްކައުތެރިކަން ބޮޑު ފާފައެކެވެ.
ﷲ ތައާލާ ވަޙީކުރައްވަވާފައިވަނީ ފާފައެއް ކުރެވުމުން އެކަމަށް ބިރުވެތިވެވޭނަމަ އެއީ އެމީހެއްގެ ކިބައިގައި އީމާންކަން ހުރިކަމުގެ ޢަލާމާތެއް ކަމަށެވެ. ވީމާ ފާފައެއް ކުރެވުމުން ބިރުވެތިނުވެވޭނަމަ އެމީހެއްގެ ކިބައިގައި އީމާންކަން ނެތީކަމަށް ބުނެވިދާނެއެވެ.
އަަހރެންނާއި ބައްދަލުވި އެއް އަޚަކީ ކޮންމެ ހަފްތާ ބަންދެއްގައި ފާފަކުރުމުގެ ނުބައި އާދަ އަށަގެންފައިވާ މީހެކެވެ. އޭނާ ގާތު ފާފަކުރުން ހުއްޓާލަން ބުނުމުން ބުނީ ދުޢާކޮށްދޭށެވެ! ޖަވާބުގައި އަހަރެން ބުނީމެވެ! "ތިއައީ ކާކަށް ކުރާ ފުރައްސާރައެއް ހެއއްޔެވެ؟ އަހަރެންނަށްހެއްޔެވެ؟ ތިބާގެ އަމިއްލަ ނަފްސަށް ހެއްޔެވެ؟ ނޫނީ ﷲ ތަޢާލާއަށް ހެއްޔެވެ؟ އެއީ އަހަރެން ގާތު ދުޢާކޮށްދޭން ބުނުމުން އަހަރެން ދުޢާކުރި ނަމަވެސް ތިބާ ފާފަކުރާނަމަ އެކަން ހުއްޓޭނީ ކިހިނަކުން ހެއްޔެވެ؟"
މީސްތަކުންނޭވެ! ދުޢާކުރުމަކީ ކުރަންޖެހޭ ކަމެކެވެ! އަދި އކުވެރިންނަސްޓަކައި ކޮށްދޭންވެސް ޖެހޭ ކަމެކެވެ. ނަމަވެސް ޤަބޫލުކުރަންވީ ހަމައެކަނި ދުޢާކުރުމަކުން ނުފުދޭނެ ކަމެވެ. އެކަމެއް ޙާޞިލުކުރަން ތިމާ މަސައްކަތްވެސް ކުރަންޖެހޭނެ ކަމެވެ. ވީމާ ތިމާގެ ކިބައިގައި ހުންނަ އުނިސިފައެއް އިޞްލާޙްކުރަން، ނުވަތަ ކުރެވޭ ފާފައެއް ކުރުން ހުއްޓާލަން ހަމައެކަނި ދުޢާކުރުމަކުން ނުފުދޭނެއެވެ. އެކަމަސް އެދިގެން މަސައްކަތްކުރަންވެސް ޖެހޭނެއެވެ.
ކުރެވޭ ކޮންމެ ނުބައިކަމެއް ކުރުމުންވެސް ސަލާމަތްވެވޭނެއެވެ. އޮތީ ހިތްވަރާއިއެކު މަސައްކަތްކުރުމެވެ. މަސައްކަތް ކުރަމުން ދުޢާކުރާނަމަ އެކަމެއް ހިންމަވައި ދެއްވަވާނެތެވެ. އިން ޝާ ﷲ
- މުފްތީ މެންކުގެ ދަރުސަކުން
