ޤިޔާމަތް ދުވަހު ކޮންމެ މީހަކަށްވެސް ކުރިމަތިވާނެ އެންމެ ބޮޑު އެއް ގޮންޖެހުމަކަށްވާނީ އެމީހަކު އެހެން މީހުންނާއިމެދު ޢަމަލުކޮށްފައިވާ ގޮތެވެ.
ވީމާ އެއްވެސް މީހެއްގެ ހިތުގައި ޖެހޭ ފަދަ ޢަމަލެއް ނުކުރާށެވެ! އެފަދަ ބަހެއްވެސް ނުބުނާށެވެ! ވީހައި ރަނގަޅަކަށް މީހުންނަށް ކަންތައް ކުރާށެވެ! ވެވުނުވަރަކުން އެހީތެރިވާށެވެ! އެއްވެސް މީހެއްގެ ޙައްޤަކަށް އަރައި ނުގަންނާށެވެ!
ތިބާ ހިތް ނުރުހޭ ފަދަ މީހުންނާއި ބައްދަލުވާނެއެވެ. އެއީ ތިބާ އިމްތިޙާން ކުރެއްވެވުމަށެވެ. އެފަދަ މީހަކާއިމެދުގައިވެސް ނުބައިކޮށް އެއްވެސް ކަމެއް ނުކުރާށެވެ! އެއީ ރަނގަޅު މީހަކު ނޫންނަމަ އެމީހަކާއި ދުރުހެލިވާށެވެ!
އެއްވެސް މީހަކާއިމެދު ނުބައިކޮށް ޢަމަލުކުރެވި، އެއްވެސް މީހެއްގެ ޙައްޤަކަށް އަރައިގަނެވިފައިވާނަމަ ޤިޔާމަތް ދުވަހު އެކަންކަމަށް ބަދަލުދޭންޖެހޭނެއެވެ. އަނިޔާވެރިވުމުގެ ހިތުގައި ޖެއްސިފައިވާނަމަވެސްމެއެވެ. ހަނދާނުގައި ބަހައްޓަންޖެހޭ ކަމަކީ ބަދަލުދޭންޖެހޭނީ ތިބާކުރި ހެޔޮ ޢަމަލުތަކުން ކަމެވެ. ލުއިވެގެންދާނީ ތިބާކުޅަ ހެޔޮ ޢަމަލުތަކުން ކަމެވެ.
- މުފްތީ މެންކުގެ ދަރުސަކުން
