"މާތް ﷲ ގެ ވާގިފުޅާއިއެކު އަޅުގަނޑު ފަތިސް ނަމާދު ވަގުތަށް ހޭލީމެވެ. ހޭލެވުނުތަނާ ތުއްތު ދަރިފުޅު ރޯން ފަށައިފިއެވެ. ގާތުން ދިނުމުން ވެސް ހުއްޓައެއް ނުލިއެވެ. އިރު އަރަނީއެވެ. އެހާލަތުގައި އަޅުގަނޑު ކަންތައް ކުރާނީ ކިހިނަކުންތޯއެވެ؟"
ޖަވާބު: އިރުއެރުމުގެ ކުރިން ފަތިސް ނަމާދުކުރަން މަސައްކަތް ކުރަންވާނެއެވެ. ނަމަވެސް ދަރިފުޅު ރޯތީ ނަމާދު ނުކުރެވުނު ނަމަ ފަހުން ނަމަވެސް ވީހައި އަވަހަކަށް ފަތިސް ނަމާދުކުރަންވާނެ އެވެ. ދިރިއުޅުމުގެ ހުރިހާ ކަންކަމުގެ ކުރިއަށް ނެރެންވާނީ ނަމާދުކުރުމެވެ.
-- ޑރ. މުޙައްމަދު އިޔާޟް ޢަބްދުއްލަޠީފް
މިއީ ކޮންމެ މައަކަށްވެސް ޚާއްޞަކޮށް އެކަނިވެރި މައަކަށް ކުރިމަތިވެދާނެ ހާލަތެކެވެ. ޑރ. އިޔާޟްގެ ބަސްފުޅުން އެނގެނީ އެހާލަތުގައިވެސް އޮތީ ނަމާދުގެ ވަގުތުގައި ނަމާދުކުރަން މަސައްކަތްކުރުން ކަމެވެ! ނަމަވެސް ނުކުރެވިއްޖެނަމަ އޮތީ ފަސޭހަވި ވަގުތަކުކުރަން މަޑުކުރުން ނޫން ކަމާއި ވީހައި އަވަހަކަށް ކުރުން ކަމެވެ.
