ކާފިރުންނަށް ދިވެހިރައްޔިތުންގެ ދަރަޖަ ދިނުމާމެދު ކަންބޮޑުވެވަޑައިގަންނަވާކަން ފަޟީލަތުއްޝައިޚް ޢަލީޒާހިރު ބިން ސަޢީދު ޤާސިމް ހާމަކުރައްވައިފިއެވެ.
"ދިވެހިން އެކުވެރިކަމާ އެކު އެއް ދީނެއްގެ މަތީގައި ތިބޭތީ ޙަސަދަވެރިވާ ބަޔަކު އުޅޭނެއެވެ. އެހެން ދީން ތަކަށް ޖާގަ ދިނުމަށް އެއްވެސްބަޔަކު ކަމެއް ކުރޭތޯ ފާރަވެރިވާން ޖެހެއެވެ. މިޤައުމުގެ ދީނަކީ ހަމަ އެކަނި އިސްލާމްދީން ކަމަށް އޮންނަ އޮތުމަށްވުރެ ބޮޑު ހެވެއް މިޤައުމަކަށް ނެތެވެ.": ޝައިޚް ޢަލީ ޒާހިރު ބިން ސަޢީދު ޤާސިމް
ސިޓިޒަންޝިޕް ޤާނޫނު ކިޔައިގެން ނަމަވެސް ކުރެވެން މިއުޅޭކަމަކީ ކާފިރުންނަށް ދިވެހި ރައްޔިތެއްގެ ދަރަޖަ ދިނުން ކަމަށް ޤަބޫލުކުރަން ޖެހޭ އެތައް ކަމެއް ގެޒެޓްކޮށްފައިވާ ޤާނޫނުން ގިނަ ބައަކު ފާހަގަކުރެއެވެ.
ފަޟީލަތުއްޝައިޚް ޢަލީޒާހިރު ބިން ސަޢީދު ޤާސިމްއަކީ މިސްކިތުގެ ޖަމާޢަތަށް ވަޑައިގަންނަވާ ޢިލްމުވެރިއެކެވެ. ވީމާ މިސްކިތުގެ ޖަމާޢަތުގައި ބައިވެރިނުމުގެ ލައިސަންސް ގެންގުޅޭ މީހުންނާއި މިކަމުގައި ޚިޔާލްތަފާތުވާނެކަން ޤަބޫލުކުރެވެއެވެ.
ރާއްޖޭގެ މިސްކިތްތަކުގެ ތާލަފިލިތަކުން ގޭގައި ތިބެގެން ނަމާދުކުރަން ގޮވީ ކޮވިޑް ލައިގަނެގެން ލޮކްޑައުންގައި އޮތް މަދު ދުވަސްކޮޅަކުއެވެ. 900 އަހަރުވާއިރުވެސް ގޮވަމުންދަނީ "ފަލާޙް ލިބިގަތުމަށް މިސްކިތަށް އައުމަށެވެ!" ނަމާދު ވާޖިބުވާ ފިރިހެނުން ގޭގައި ތިބެގެން ފަލާޙް ލިބިގަންނާކަށް ނޫނެވެ. ވީމާ ބިންމަތީގައިވާ ﷲ ތަޢާލާގެ ގެކޮޅުތައް ކަމުގައިވާ މިސްކިތްތަކުން ގޮވައިލެވޭ އެއްޗެއްގެ އަޑުއިވުމުން ﷲ ތަޢާލާއަށް ބިރުވެތިވެ ޢަމަލުކުރާ މީހުންނާއި ނުކުރާ މީހުންގެ ޚިޔާލުތަފާތުވާނެއެވެ.
