ދުނިޔްވީ އުޞޫލް ބެލިނަމަވެސް އެމީހަކު ބައްދަލުކުރަން ޝައުޤުވެރިވާ މީޙުންނާއި ބައްދަލުކުރަން ދާނީ އެކަމަށް ވަރަށް ބޮޑަށް ތައްޔާރު ވެގެންނެވެ. ރީތި ހެދުންލައި ނަލަވެސް ހެދޭނެއެވެ. ސެންޓުވެސް ޖަހާނެއެވެ.
މުސްލިމުންގެ އެންމެ ބޮޑު ބޭނުމަކަށްވާންވާނީ އެންމެ ބޮޑަށް ﷲ ތަޢާލާ އާއި ކުއްތަންވުމެވެ. ދާދިއަވަހަށް އައިސް އަރައިހަމައެކުރަނީ އެކަމަށް އެންމެ ޚާއްޞަ މޫސުމެވެ.
ގަދައަޅައި މަސައްކަތްކުރަންވީ މި ރޯދަމަހު ވީހައި ބޮޑަކަށް މާތްﷲ އާއި ކުއްތަންވުމަށެވެ. މުސްލިމުން އެމަހެއްގެ ހުރިހާ ދުވަހަކު ރޯދައަށް ތިބޭ ބަރަކާތްތެރި ރަމަޟާން މަހަކީ މާތް ﷲ އާއި ކުއްތަން ވުމަށް މީސްތަކުންނަށް ލިބޭ އެންމެ ބޮޑު ފުރުޞަތެވެ. އެހެންކަމުން އެންމެންވެސް ގަދައަޅައި މަސައްކަތްކުރަންވީ އަދި އަވަސްވެގަންނަންވީ އެފުރުޞަތުގެ ބޭނުން އެންމެ ހެޔޮ ގޮތުގައި ހިފުމަށެވެ.
ރަމަޟާން މަހާއި ބައްދަލުވި ކޮންމެ މުސްލިމަކުވެސް ވިސްނަންޖެހޭނީ މިއީ އެމީހަކާއި ބައްދަލުވާނެ އެންމެ ފަހު ރޯދަމަސް ކަމަށެވެ. އަންނަ އަހަރުގެ ރަމަޟާން މަސް އަންނައިރު ތިމާއަށް ދުނިޔޭގައި ނުހުރެވިދާނެ ކަމަށެވެ.
މާތްﷲ އާއި ކުއްތަންވުމަށްޓަކައި ކުރަން އޮތް ހަމައެކަނި ކަމަކީ މާތްﷲ އެންގެވި ގޮތުގައި ސާބިތުވެ ތިބެ ކުރިއަށް ދިއުމެވެ. ހަރާމް ކުރައްވަވާފައިވާ އެއްވެސް ކަމެއް ނުކުރުމާއިއެކު ކުރުމަށް އަމުރުފުޅު ކުރައްވަވާފައިވާ ކަންކަން ކުރުމަށް ސަމާލުކަން އިތުރުކުރުމެވެ.
ރަމަޟާން މަހުގެ ފައިދާ ލިބިގަންނަން ބޭނުން މީހާ ދުރާލައި އެކަމަށް ތައްޔާރުވާން ޖެހޭނެއެވެ. ދުރާލައި ތައްޔާރުވުމަކީ ވީހައި ގިނަ ވަގުތު އަޅުކަމުގައި ހުރެވޭނެ ގޮތަށް ކަންކަން ރޭވުމެވެ. ނަމާދުތައް ކުރުމުގައާއި ކީރިތި ޤްރްއާން ކިޔެވުމުގައެވެ. އަދި އެނޫންވެސް އަޅުކަން ކުރުމުގައެވެ. އަދި އެކަންކަން ކުރުމެވެ.
އިސްލާމީ ތިލަފަތުގެ ދަރުސަކުން
