ކޮންމެ އިންސާނަކަށްވެސް "ދެން އެހެން ގޮތެއް ނެތޭނީ" ހަމަ އެންމެ ޙާލަތެއްގައެވެ. އެއީ ޤިޔާމަތް ދުވަހު އެމީހާގެ ފަތް އެމިހާގެ ވާތަށް ލިބުމުންނެވެ. ނަރަކައަށް ވަންނަން ޖެހޭ މީހަކު ކަނޑައެޅި ނިމުމުންނެވެ. އެވަގުތާއި ހަމައަށް މުސްލިމުންނަކީ އެއްވެސް ކަމެއްގައި ގޮތް ހުސްވާނެ ބައެއްނޫނެވެ. އަދި ގޮތް ހުސްވެގެންވާނެ ވެސް ބައެއް ނޫނެވެ.
ދެން ބަލައިލަންވީ މި ބަޔާންކުރި ފަދައިން ގޮތް ހުސްވަނީ ކީއްވެގެންތޯއެވެ!
"ޝައިޠާނާ އަހަރެމެންގެ ލޯތައް ކަނުކޮށްލަނީ. އަމިއްލައަށް މީހުން މަރުވަނީ އެހާލަތަށް ދިއުމުން. އެހާލަތުން ސަލާމަތް ކުރެއްވެވުން އެދިވަޑައިގެން ކައު އިތުރު ރަސޫލާ މުޙައްމަދު (ﷺ) އަބަދުވެސް ދުޢާ ކުރެއްވެވި. އެ ފަދައިން ދުޢާ ކުރުންމަތީގައި ދެމިތިބޭނަމަ ޑިޕްރެޝަންގެ މައްސަލަ ކުރިމައްޗެއް ނުވާނެ".
"ޤްރްއާނަކީ ޝިފާއެއް. އެކަން ޔަޤީންކުރަންވީ. އެކަން ޔަޤީންކޮށްގެން ހުންނަ މީހާ ޑިޕްރެޝަނަކަށް ނުދާނެ. ޝައިޠާނާގެ ވަސްވާސްތަކުން ސަލާމަތް ކުރައްވަވާނެ. އޮތީ ކެތްތެރިވާން ދަސްކުރުން. ކެތްތެރިކަން ހޯދޭނީ އީމާންކަން ހަރުދަނާކޮށްގެން."
"އިންނާ ލިﷲ ވައިންނާއިލައިހި ރާޖިޢޫން" އަކީ ހަމައެކަނި މީހަކު މަރުވުމުން ކިޔަން އޮތް ދުޢާއެއް ނޫނެވެ. މުޞީބާތުގެ ވަގުތުތަކުގައި ކިޔަން އޮތް ދުޢާ އެކެވެ. ކޮންމެ ފަދަ މުޞީބާތެއްގެ ވަގުތުގައި ނަމަވެސް މެއެވެ.
--ޑރ. ބިލާލް ފިލިޕްސްގެ ދަރުސަކުން
