ކޮންމެ މީހަކަށްވެސް އެންމެ މުހިންމު ވާޖިބަކަށްވާން ޖެހޭނީ އެމީހަކާއި ﷲ ތަޢާލާ ޙަވާލުކުރެއްވެވި މަސްއޫލިއްޔަތުތައް އަދާކުރުމެވެ. އެކަންކަން ފުރިހމަ ނުކުރެވިއްޖެނަމަ އެމީހަކު ފާފަވެރިވާނެއެވެ. ނަމަވެސް އެހެން މީހަކަށް ކުރަންޖެހޭ ކަމެއް އޭނާ ނުކުރުމަކުން އަނެކާ ފާފަވެރިއެއް ނުވާނެއެވެ.
ވީމާ ފުރަތަމަ ކަމަކަށް ބަލަންވީ ތިމާގެ އަމިއްލަ އަބިދަރިންގެ ޙާލުއަހުވާލެވެ. އެމީހުން ތިބިޙާލަތެވެ. ގެއަށް ބޭނުންވާތަކެތި ހަމައަށް ގޭގައި ހުރިތޯއެވެ. އެކަންކަން ނުބަލައި އެމެރިކާގެ ޖަންގައްޔެއްގައި މަދިރި ގިނަވެގްން އުޅޭޚަބަރު ބެލުމުން ކުރާނީ ކޮން ފައިދާއެއް ހެއްޔެވެ؟ ކޮންމެވެސް ޤަުމެއްގައި ރީތީގެ ރާނީގެ ނަމުގައި އަނހެނެއްގެ ބޮލުގައި ތާޖް ބަހައްޓިކަމުގެ ޚަބަރުކިޔުމުން ކުރާނީ ކޮން ފައިދާއެއް ހެއްޔެވެ؟
މިޒަމާނުގައި ހަމަ ކޮންމެ މީހަކީވެސް ސްމާޓް ފޯނެއް ގެންގުޅޭ މީހެއްކަމަށް ބުނެވިދާނެއެވެ. މާނައަކީ އެހައިވެސް ގިނަ މީހުން ސްމާޓް ފޯނު ގެންގުޅޭކަމެވެ. ހުސްވަގުތެއް ކިރިޔާ ލިބުނު ނަމަވެސް ދުނިޔޭގެ ކަންކޮޅުތަކުގައި ހިނގާ ކަންކަމުގެ ޚަބަރުތައް ބަލައިލައެވެ.
އެފަދަ ގިނަބައަކަށްވެސް އެމީހުންނަށް ކުރަންޖެހޭ މަސައްކަތް ބޮޑުވެފައި ގިނަކަމުން އެމީހުންގެ އަމިއްލަ ޢާއިލާގެ ކަންކަން ބަލައިލާނެ ވަގުތެއް ނުވެއެވެ. އެކަމުގެ ނަތީޖާއަކަށްވެގެންދަނީ އެއްވެސް ކަމެއް އެނގެންވާވަރަށް ނުއެނގުމެވެ. މިއީ މިއަދު ވަރަށް ގިނަ ބައަކަށް ކުރިމަތިވެފައިވާ ވަރަށް ބޮޑު މައްސަލައެކެވެ.
- އިސްލާމީ ތިލަފަތުގެ ދަރުސަކުން
