އިންސާނުން ހަދާ ޤާނޫނަކަށް ބޯލަނބަން ﷲ ތަޢާލާގެ ޤާނޫނު ދޫކޮށްނުލާށެވެ! އެކަމަށް އަބަދުދީފިނަމަ އެއީ ވެސް ރަހްމަތެކެވެ! ﷲ ތަޢާލާ އެމީހަކު ސަލާމަތްވެސް ކުރައްވަވާނެތެވެ! ﷲ ތަޢާލާގެ އެއްވެސް ޤާނޫނަކަށް ބޯނުލެނބުމުން ދެއްވަވާ ޢަޛާބުން ސަލާމަތްކުރެވޭނެ ފަރާތެއް ނުވެއެވެ!
ޖަލަށްލާނެއެވެ! އަދަބުދޭނެއެވެ! އަނިޔާވެސް ކުރާނެއެވެ! ބިރުނުގަންނާށެވެ! އެއިން ކޮންމެ އަނިޔާއަކުންވެސް އެމީހަކަށް ﷲ ތަޢާލާގެ ޙަޟްރަތުން ލިބޭނީ ފައިދާއެވެ. ލައްވަވާނީ ރަޙްމަތެވެ. ދެއްވަވާނީ ޘަވާބެވެ!
ޔޫސުފްގެފާނުގެ ސިޔަރަތު ޤުރްއާނުން ދެނެގަންނާށެވެ! ޖަލުގައި އެތައް އަހަރެއް ހޭދަކުރައްވަން ޖެހިވަޑައިގެންނެވެ. ބަދަލުގައި ދެއްވެވި މަތިވެރިކަން ދެކިބަލާށެވެ!
އިމާމް އަޙްމަދަށް ޖެހިވަޑައިގެންނެވި ޙާލުކޮޅާއި ޝައިޚުލްއިސްލާމް އިބްން ޘައިމިއްޔާ ފަދަ ދީނުގެ އެންމެ ބޮޑެތި ޢިލްމްވެރިންނަށް ޖެހިވަޑައިގެންނެވި ޙާލުކޮޅަށް ވިސްނާށެވެ! އެބޭކަލުން ވަނީ އަނިޔާއަށް ބިރުފުޅަށް ޛައްރެއްގެ މިންވަރުވެސް ފަހަތަށް ޖެހިވަޑައިނުގެން ޙައްޤުގެ މަގުގައި ސާބިތުވެވަޑައިގެންފައެވެ. ﷲ ތަޢާލާ އެ އެންމެހައި ބޭކަލުންނަށް ހެޔޮ ރަޙްމަތް ލައްވަވާށި! އާމީން
--އިސްލާމީ ތިލަފަތުގެ ދަރުސަކުން
