ހިލޭ އަންހެނުންނާއި ފިރިހެނުންގެ ވެސް މުސްލިމުންނަށް ބެލުން ހުއްދަވެގެންވާ މިންގަނޑު ކީރިތި ޤުރްއާނުން ވަރަށް ރަނގަޅަށް އެނގެން އެބައޮތެވެ. އެއީ ހަމައެއްވެސް މީހަކަށް ބަދަލުކުރެވޭނެ މިންގަނޑެއް ނޫނެވެ.
ދީނީ ޢިލްމުވެރިން ފޮޓޯ ފަދަ ތަކެތި ސޯޝަލް މީޑިއާގައި ހާމަކުރުމުން ގިނަބައަކަށް ބެލެއެވެ. ވީމާ އެ ފޮޓޯއަކަށް ބެލުމުން ބެލި މީހާ ފާފަވެރިވާނެ ފަދަ ފޮޓޯފަދަ ތަކެތި ހާމަކުރުމަކީ ހަމައެކަކުވެސް ޚާއްޞަކޮށް ދީނީ ޢިލްމްވެރިންކަމަށް ބުނެ ދީނުގެ ފަތުވާ ނެރޭ މީހުން ކޮށްގެންވާނެ ކަމެއް ނޫނެވެ.
ދީނުގެ ޢިލްމުވެރިއަކަށްވުމަކީ މިބާވަތުގެ ލޮލުފާފަތައް ކުރުމުން މީސްތަކުން ސަލާމަތްކޮށްދޭން މަސައްކަތްކުރަންޖެހޭނެ ސަބަބެއްކަމަށް ވިދާޅުވަނީވެސް ހަމަ ދީނުގެ ޢިލްމުވެރިންނެވެ. ވީމާ ރާއްޖޭގައި ތިބި ދީނުގެ ޢިލްމުވެރިން ކަމަށްބުނެ ބޮޑެތި ފަތުވާތައް ނެރޭ މީހުން މިފަދަ ކަންކަމަށް ޚާއްޞަ ސަމާލުކަމެއް ދިނުމަކީ އެފަދަ ޢަމަލުތައް ނުކުރަން އެހެން މީހުންނަށްވެސް ހިތްވަރު ލިބި އެފަދަ ކަންކަން ކުރުމުން ދުރުހެލިވާނެ ކަމެއްކަމަށް އަޅުގަނޑު ފާހަގަ ކުރަމެވެ.
- ޢަބްދުލްޣަފޫރު އަޙްމަދު/ މިއަދުނޫހުގެ ކިޔުންތެރިއެއް
