ކީރިތި ޤުރްއާނުގައި "ޖަމާޢަތްތައް" ނަމުގަ ސޫރަތެއްވެއެވެ. އެއީ 39 ވަނަ ސޫރަތް އައްޒުމަރް"އެވެ.
ޤިޔާމަތް ދުވަހު މީސްތަކުން ސުވަރުގެ ވައްދަވާނީވެސް އަދި ނަރަކައަށް ވައްދަވާނީވެސް ޖަމާޢަތްތަކެއްގެ ގޮތުގައެވެ. އެމީހަކު އެބައަކާއިއެކުގައި އުޅުނު މީހުންނާއިއެކުގައެވެ. އެބައަކާއި އެއްގޮތަށް އުޅުނު މީހުންނާއިއެކުގައެވެ.
ވީމާ ދުނިޔޭގައި ތިމާއަށް މިއުޅެވެނީ ކޮންބައަކާއިއެކުގައިކަން ނުވަތަ ކޮންބައަކު އުޅޭ ނުވަތަ އުޅުނު ގޮތަށްކަން ވަރަށް ބޮޑަށް ބަލަންވާނެއެވެ. އެއީ ހެޔޮ ކަންތައްތައް ކުރަން ހިތްވަރުދީ ވާގިވެރިވާ ބައަކު ނޫންނަމަ އެބައަކާއި ދުރުހެލިވާންޖެހޭނެއެވެ. އެފަދަ މީހަކާއި އެކުގައި އުޅުމެއްވެސް އަދި އެފަދަ މީހަކަށް ރުހިގެން އުޅުމެއްވެސް ނެތެވެ. ބިރުވެތިވާންވީ ސުވަރުގެ ނުލިބިދާނެކަމަށެވެ. ނަރަކައަށް ވަންނަން ޖެހިދާނެ ކަމަށެވެ.
- މުފްތީ މެންކުގެ ދަރުސަކުން
