ވަގުތަކީ ހޯދުމުން ލިބޭ އެއްޗެކެވެ. ރަމަމާން މަހުގެ ރޭތަކުގައި އެންމެ ބޮޑަށް ސަމާލުކަން ދޭން ޖެހޭނެ އެއްކަމަކީ މުޅި ރޭގަނޑު އަޅުކަންކުރުމުގެ ޘަވާބު ލިބިގަތުމެވ
ދެން މިބަލައިލަނީ ރޭގަނޑުގެ އިރާކޮޅުގެ ކުޑަ ވަގުތުކޮޅެއް ހޭދަކޮށްލައިގެން މުޅި ރޭގަނޑުގައި އަޅުކަންކުރި ކަމުގެ ޘަވާބު ލިބެން އޮތް ފަސޭހަމަގަށެވެ.
އިމާމާއި އެކު ތަރާވީޙް ނިމެންދެން ބައިވެރިވުމަކީ ދަރުމަ އިތުރުވެގެންދާނެ ކަމެއް ކަމުން އެކަމަށް ޚާއްޞަ ސަމާލު ކަމެއް ދޭން ޖެހެއެވެ. ކީރިތި ރަސޫލާ ޞައްލަﷲ ޢަލައިހި ވަސައްލަމަ ޙަދީޘް ކުރައްވައެވެ.
(مَنْ قَامَ مَعَ الْإِمَامِ حَتَّى يَنْصَرِفَ كُتِبَ لَهُ قِيَامُ لَيْلَةٍ)
މާނައަކީ: "އިމާމާ ނިމެންދެން އޭނާއާއި އެކުގައި ނަމާދުކުރުމުގައި ދެމިހުރެއްޖެނަމަ މުޅިރޭ އަޅުކަން ކުރުމުގެ ޘަވާބާއި ދަރުމަ ދެއްވާނެއެވެ".
ވީމާ އިމާމް މީހާ ތަރާވީޙް ނަމާދު ނިންމަންދެން ކޮންމެ ގޮތަކުން ނަމަވެސް އިމާމާއިއެކު ނަމާދުކުރުމުގައި ކެތްތެރިވާށެވެ! އެވަގުތު އެކަމަށް ޚާއްޞަކުރަން މަސައްކަތްކުރާށެވެ! އެހެން ހުރިހާ ކަމެއް ފަހުން ކޮށްލަން ބެހެއްޓި ނަމަވެސް ތަރާވީޙް ނަމާދު ނުނިންމައި އިމާމާއި ވަކިނުވާށެވެ!
