ތަފާތު ސަބަބުތައް މެދުވެރިވެ ކައިވެނި ނުކުރެވިފައި އެތައް ބައަކު އެބަތިއްބެވެ. އެކަމަށް އޮތް އެއް ޙައްލަކީ އިސްތިޣްފާރުކުރުންކަން ބަޔާންކުރައްވައި ޝައިޚް މުޙައްމަދު ޝާފިޢު ވިދާޅުވެފައިވަނީ މިފަދައިންނެވެ!
އިސްތިޣްފާރު ކުރުމުގެ ސަބަބުން ދަރީން ލިބެއެވެ. އެކަން އެހެން ވާނަމަ، ހަމަ ޔަޤީނުންވެސް އެކަން ޙާޞިލްވުމުގެ ސަބަބު މެދުވެރިވާނެއެވެ. އެއީ ކައިވެންޏެވެ. އެހެންކަމުން ކައިވެނި ކުރަން ދަތިވެފައިވާ މީހާގެ މައްޗަށް އޮތީ ވީހާ ގިނައިން، ރެއާއި ދުވާލު އިސްތިޣްފާރު ކުރުމެވެ. އަދި ހަމަ އެއާއެކު، ހެޔޮ ލަފާ ޞާލިޙު ފިރިއެއް/ އަންބެއް ދެއްވުން އެދި ދުޢާކުރުމެވެ.
(ބައްލަވާ "تفسير ابن كثير" (8 /233)
