ފަޟީލަތުއްޝައިޚް ޙުސައިން ޞަލާޙުއްދީންގެ ފަނޑިޔާރުކަމުގެ ދުވަސްވަރު 10 ރުފިޔާއަކީ ވަރަށް ބޮޑު އެއްޗެކެވެ. ފަނޑިޔާރުގެއަށް 10 ރުފިޔާ ދައްކަން ޖެހުނު މީހަކު އެކަމުން ސަލާމަތްވާނެ ގޮތެއް ހޯދަން ޞަލާޙުއްދީން މިސްކިތަށް ވަޑައިގެްނ ނަމާދުކުރައްވައި ނިމުމުން އެމަނިކުފާނަށް އަޑުއިވޭވަރަށް ފަނޑިޔާރުގެއަށް ދައްކަން 10 ރުފިޔާ ދެއްވެވުން އެދި މާތް ﷲ އަށް ދުޢާކުރި ވާހަކައަކީ މަޝްހޫރު ވާހަކައެކެވެ!
އަޑުއިވޭ ގޮތުން ނަމާދުން ނިމިވަޑައިގެން އޭނާ ގެއަށް ގެންދަވައި 10 ރުފިޔާ ދެއްވާފައި، އެގޮތަށް ޢަދަދު ކަނޑައަޅައި ދުޢާ ނުކުރުމަށް ވިދާޅުވިއެވެ. މިކަމުން ވެސް އެނގިގެންދަނީ އެ މަތިވެރި މަޤާމުގައި ހުންނަވައިގެންވެސް މިސްކިތަށް ވަޑައިގެން ޙުސައިން ޞަލާޙުއްދީން ނަމާދުކުރެއްވެވިކަމެވެ.
ފަހުގެ ތާރީޚަށް ބަލައިފިނަމަ ރާއްޖޭގައި އުފެދުނު ދީނީ ޢިލްމުވެރިންނަށް ބަލާއިރު ޝައިޚް މުޙައްމަދު ޖަމީލް އަކީ މިސްކިތުގެ ޖަމާއަތަށް ވަޑައިގަތުމުގައި ޤައުމު ދެކެފައިވާ ލާމަސީލު ނަމޫނާއެކެވެ. މުސްކުޅިފުޅުވެ ގެއިން ނުކުމެވަޑައިނުގެންނެވޭވަރު ވަންދެން މިސްކިތަށް ޖަމާއަތަށް ނަމާދަށް ވަޑައިގެންނެވިއެވެ.
ރާއްޖޭގައި މިހާރު ތިއްބެވި ދީނީ ޢިލްމުވެރިންނަށް ބެލި ނަމަވެސް ވަރަށް ގިނަ ބޭފުޅުން މިސްކިތްތަކުން ފެނެއެވެ.
