ދިރާގާއި ޔޫއެންޑީޕީ މޯލްޑިވްސް ގުޅިގެން ފިލްމު އުފައްދަން ދަސްކޮށްދޭ ވޯކްޝޮޕް "ފިލްމް ފޯ ޗޭންޖް" ފަށައިފިއެވެ.
"ފިލްމް ފޯ ޗޭންޖް"ގެ މަގްސަދަކީ ފިލްމް މޭކިންގެ ޒަރިއްޔާއިން ޒުވާނުންނާއި، މުޖުތަމައުގެ މެދުގައި އުފެދޭ އިޖުތިމާއީ މައްސަލަތަކަށް ހޭލުންތެރިކުރުވުން ކަމަށް ދިރާގާއި ޔޫއެންޑީޕީ މޯލްޑިވްސް ވަނީ ބުނެފައެވެ.
މި ވޯކްޝޮޕް މެދުވެރިކޮށް ޑޮކިއުމެންޓްރީ ޒާތުގެ ކުރު ފިލްމް އުފެއްދުމަށް ޒުވާނުންނަށް ބޭނުންވާ އުފެއްދުންތެރި އަދި ޓެކްނިކަލް ހުނަރު ލިބިގެންދާއިރު މިއަހަރުގެ މި ސީރީޒް އަމާޒުކޮށްފައިވަނީ، މޫސުމީ ބަދަލުތަކުގެ ސަބަބުން ރާއްޖެއަށް ދިމާވާ މައްސަލަތަކަށް ފިލްމުގެ ޒަރިއްޔާއިން ޒުވާނުން ހޭލުންތެރި ކުރުވުމެވެ.
