ބޭނުންވާ ތަކެއްޗާއި ތައްޔާރުކުރާނެ ގޮތް:
ހެޔޮވަރުގެ ރަތް ފިޔައެއް ތޮށި ނޮޅައި ތުނިކޮށް ގާނާލައި އެއިގެ ދިޔަ
1- ސަމުސާ މުގުރި ފްލެކްސް ސީޑް،
1- ސަމުސާ މުގުރި ހަނޑޫ،
ލެމަން އެއްގެ ކިބައެއްގެ ހުތް ،
1- ސަމުސާ ސާފުކާށިތެޔޮ
ފިޔާ ދިޔައިގެ ތެރެއަށް ކޮންމެ ބާވަތެއްވެސް މިތަރުބީން އަޅައި ކޮންމެ ބާވަތެއްވެސް ރަނގަޅަށް އެއްކޮށްލާށެވެ. އެހުރީ ކްރީމް ތައްޔާރުކުރެވިފައެވެ.
ބޭނުންކުރާނެ ގޮތް:
އުނގުޅަން ބޭނުންވާ ތަން ސާފުކޮށްދޮވެލާށެވެ. ފެންހިކުމުން އެތަނެއްގައި އުނގުޅާފައި 15 މިނިޓްވަންދެން ބަހައްޓާފައި ދޮވެލާށެވެ. ހަފްތާއަކު 2 ދުވަހު ތަކުރާރުކުރާށެވެ.
އިތުރަށް ހުންނަބައި ވައި ނުވަންނާނެ ގޮތަށް ކޮންޓޭނަރަކަށް އަޅައި ފްރިޖުގައި ބަހައްޓާށެވެ. 7 ދުވަސް ވަންދެން ބެހެއްޓޭނެއެވެ.
މިކްރީމަކީ ޖަޕާނުގެ ވަރަށް ގިނަ އަނހެންކުދިން ބޭނުންކުރާ ކްރީމެކެވެ. އަދި އެކުދިންގެ މޫނުގެ ޒުވާންކަން ދަމަހައްޓައިދޭ ކްރީމްވެސްމެއެވެ.
