އިމާމް މީހާ ޤަމަތްދޭން އެންމެ މިނިޓަކަށްވެފައި ހުއްޓާ މިސްކިތަށް އަރައި ޙަރަމްބަނދެ ސުންނަތުގެ 2 ރަކްޢަތް ކުރަން ބައެއް މީހުން އެބަ މަސައްކަތްކުރެއެވެ. އެގޮތަށް އެކަން ނުކުރާށެވެ.
އިހު ސުންނަތް ކުރާނެ ވަގުތު ނެތްނަމަ މަޑުކޮށްލާފައި ޤަޟާކުރާށެވެ. އަދި އިހު ސުންނަތުގެ ފުރަތަމަ ރަކްޢަތް ކުރަމުން ދަނިކޮށް އިމާމް ޤަމަތް ދީފިނަމަ އެހިސާބުން ސުންނަތް ނަމާދު ދޫކޮށްލައި އަވަހަށް ޖަމާޢަތުގައި ބައިވެރިވާށެވެ. ނަމަވެސް ދެވަނަ ރަކްޢަތުގައި ހުރިނަމަ އިމާމް މީހާ ޙަރަމް ބަންނައިރަށް ތިމާގެ ނަމަދު އަވަސްމަގަކުން ނިންމައިލެވޭނެނަމަ ނިންމާލާފައި އަވަހަށް ތެދުވެ ޖަމާޢަތުގައި ބައިވެރިވާށެވެ. އިމާމް މީހާ ފުރަތަމަ ތަކްބީރުކިޔައި ޙަރަމް ބަނދެފިނަމަ ސުންނަތް ނަމާދުކުރަން ޙުރުމެއް ނެތެވެ.
މިއީ ބައެއް ޢިލްމްވެރިންގެ މެދުގައި ޚިލާފްވެސް ހުރި ކަމެކެވެ. ނަމަވެސް މިކަމުގައި އަހަރެން މިބުރަވީ ޝައިޚް ޢާޞިލް އަލްޙަކީމް އާއި އެނޫންވެސް ބައެއް ޢިލްމްވެރިން ދެއްވާފައިވާ ފަތުވާއަށެވެ. އަހުރެންނަށް އެންމެ ރަނގަޅުކަމަށް ޤަބޫލުކުރެވެނީ މިގޮތެވެ.
--އިސްލާމީ ތިލަފަތުގެ ދަރުސަކުން
--ޝައިޚް ޢާޞިމް އަލްޙަޚީމްގެ ފަތުވާ:
