ކީރިތި ޤުރްއާން ކިޔެވުމުގެ 36 ވަނަ ޤައުމީ މުބާރާތް ބާއްވާ ތާރީޚް ފަސްކޮށްފިއެވެ.
މިކަމާގުޅިގެން ކީރިތި ޤުރުއާނާ ބެހޭ ޤައުމީ މަރުކަޒުން ބުނެފައިވަނީ ޤުރުއާން ކިޔެވުމުގެ މުބާރާތް ބާއްވާ ތާރީޚް ފަސްކުރީ ކުރިން އޮތް ތާރީޚާއި ގްރޭޑް 10ގެ ދަރިވަރުންގެ މޮކް އިމްތިހާނާ ދިމާވާތީ، އެ ދަރިވަރުންނަށް މުބާރާތުގައި ބައިވެރިވުމަށް ފުރުޞަތު ދިނުމުގެ ގޮތުން ކަމަށެވެ.
މިމުބާރާތް ބާއްވާގޮތަށް ކުރިން ހަމަޖައްސާފައި އޮތީ އަންނަ މަހުގެ 23 ވަނަ ދުވަހުއެވެ.
މުބާރާތް ބާއްވާ ދުވަސް ލަސްކުރުމާއެކު މިމުބާރާތުގައި ބައިވެރިވުމުގެ ފުރުޞަތު މިހާރު ވަނީ މިމަހު 22 ވަނަ ދުވަހާ ހަމައަށް އިތުރުކޮށްފައެވެ.
