ކޮންމެ މީހަކަށްވެސް ލިބޭނެ އެންމެ ބޮޑު އެއް ނިޢުމަތަކީ އެމީހަކީ އެމީހެއްގެމަތިން ﷲ ތަޢާލާ ހަނދުމަފުޅުކުރައްވަވާ މީހަކަށްވެވުމެވެ. އެކަމަށް އެދިގެން ކުރަން އޮތް ކަމަކީ ވަރަށް ކުޑަކުޑަ އަދި ވަރަށް ފަސޭހައިން ކުރެވޭނެ ކަމެކެވެ. އެއީ ތިމާ ﷲ ތަޢާލާގެ މަތިން ހަނދުމަކުރުމެވެ. ވީމާ ﷲ ތަޢާލާގެ މަތިން ހަނދުމަކުރުން ގިނަކުރާށެވެ! އެއީ ﷲ ތަޢާލާގެ ރުހިވޮޑިގަތުން ލިބެންވެސް އޮތް މަގެކެވެ.
ގުޅުންހުރި ލިޔުން:
ކޮންމެ ކަމަކަށްވެސް ފުރަތަމަ ޚާއްޞަވެގެންވަނީ ނިޔަތެވެ. ވީމާ ތިމާ ކުރަން މިއުޅޭ ކަމަކާއިމެދު ފުންކޮށް ވިސްނާލަންވާނެއެވެ. އަދި އެކަމެއް އިޚްލާޞްތެރިކަމާއިއެކު ކުރަން ނިޔަތްގަނެ ޢަޒުމްކަނޑައަޅަންވާނެއެވެ.
ޤުރްއާން އުނގެނެން ނުވަތަ ކިޔަވަން ޤަޞްދުކުރާ މީހާ ފުރަތަމަ ކަމަކަށްވެސް ތިމާ ކުރަން މިފަށާ ކަންތައް ﷲ ތަޢާލާ ބައްލަވައިވޮޑިގެންވާކަން ހިތްމައްޗަށް ގެންނާށެވެ! އެއިގެ އިތުރުން ތިމާވެސް ﷲ ތަޢާލާގެ މަތިން ހަނދުމަކުރާތީ މަލާއިކަތުންގެ ޙާޒިރުގައި ﷲ ތަޢާލާ ތިމާގެމަތިން ހަނދުމަފުޅު ކުރައްވަވާކަމަށް އުންމީދުކުރާށެވެ!
ހަމައެއާއިއެކު ކުރަންޖެހޭނެ ކަމެއް އެބައޮތެވެ! އެއީ ތިމާއަށް ކުރިމަތިވެފައިވާ ހުރިހާ ކަންބޮޑުވުންތަކެއް ދުރުގައި ބޭއްވުމެވެ. އެއީ މިވަޤުތުކޮޅަކީ ތިމާ، ތިމާގެ ވެރި ރައްބަށް ޚާއްޞަކުރާ ވަޤުތުކޮޅަކަށްވާތީއެވެ. އެގޮތަށް އެކަންތައް ކޮށްފިނަމަ ތިބާގެ ހުރި ކަންބޮޑުވުންތައް ﷲ ތަޢާލާ ފިލުއްވަވައި ދެއްވަވާނެތެވެ. އިން ޝާ ﷲ
- ޑރ. ޝިހާމްގެ ވާހަކަފުޅު އަޑުއައްސަވާލައްވަން:
