ކޮންމެ މީހަކުވެސް ބުނަނީ އެމީހާ ފޯނު ބޭނުންކުރަނީ މީހުންނާއި ގުޅުން ބާއްވަން ކަމަށެވެ. ވީއިރު އެންމެ ފުރަތަމަ ނުވަތަ އެންމެ ބޮޑަށް ގުޅުން ބާއްވާ ފަރާތަކީ ﷲ ތަޢާލާ އާއިކަމަށް ހަދަމާ ހިނގާށެވެ! އެއީ ތިމާއަށް ސުވަރުގެ ލިބުމަށް އޮތް ފަހި މަގެކެވެ.
ފޯނަކީ ﷲ ތަޢާލާ އާއި ގުޅުން ބާއްވާ އެއްޗަކަށް ހެދުމަށްވުރެ ފޯނުން ހިފޭނެ ބޮޑު ބޭނުމަކީ ކޮބައިހެއްޔެވެ؟ ވީމާ ފޯނުން ހިފާ އެންމެ ބޮޑު ބޭނުމަކީ ﷲ ތަޢާލާ އާއި ގުޅުން ބޭއްވުންކަމަށް ހަދާށެވެ. އެހެން އެންމެންނަށްވުރެ މުހިންމީ ﷲ ތަޢާލާއެވެ. ބޭނުން ބޮޑީ ﷲ ތަޢާލާގެ އެވެ.
ﷲ ތަޢާލާއާއި ތިމާއާއި ދެމެދުގަ ގުޅުން އުފައްދަން ފޯނުން ކުރެވިދާނެ ބައެއް ކަންކަން-:
- ޤުތްއާން ކިޔެވުމާ މާނައާ ތަފްސީރުކިޔުން
- ޛިކުރުތައް ކިޔުން
- ނަމާދުވަޤުތުވެއްޖެކަން ދެނެގަތުމާ ފަތިސްނަމާދަށް ހޭލުން
- ޙަދީޝްފުޅުތަކާ ދީނުގެ ޢިލްމް އުނގެނުން
- ދަރުސްތައް އަޑުއެހުން
- ދީނީ ހޭލުންތެރިކަން އިތުރުވާނެ ލިޔުންތަކާ ވީޑިއޯތައް ޝެއާކޮށް ފެތުރުން
- ޙައްޤުބަސްކަން ޔަޤީންކުރެވޭ ހެޔޮބަސްތައް ތިމާ އަމިއްލައަށްވެސް ފެތުރުން
މީގެ އިތުރުންވެސް މިޒަމާނުގައި މިފަދަ އެތައް ކަމެއް ކުރެވިދާނެއެވެ. މިފަދަ ކޮންމެ ކަމަކީ އެކަމަކުން ތިމާއަށް ޘަވާބު ދެއްވަވާނެ ކަމެކެވެ. ބައެއް ކަންކަމަކީ މަސައްކަތުގައި އަވަދިނެތި އުޅެމުންވެސް ކުރެވިދާނެ ކަންކަމެވެ. ވީމާ ﷲ ތަޢާލާ ނަހީކުރައްވަވާފައިވާ ކަންކަން ކުރުމުގެ ބަދަލުގައި ތިމާއަށް ސުވަރުގެ ދެއްވަވާނެ ޢަމަލުތައް ފޯނުންކުރަމާ ހިނގާށެވެ!
- އިސްލާމީ ތިލަފަތުގެ ދަރުސަކުން
- މިއަދުނޫސް
