ކޮންމެ ދާއިރާއަކުން ޢިލްމް އުނގެނުނަސް ދީން މަތިވެރިކުރުމުގެ ނިޔަތް އެމިހާގެ ކިބައިގައި އޮންނަންޖެހޭނެ ކަމަށް ބުނެފިނަމަ އިންޖިނޭރުކަން ނުވަތަ ޕައިލެޓްކަން ކިޔަވައިގެން އިސްލާމް ދީނަށް ޚިދުމަތް ކުރާނީ ކިހިނަކުންތޯ ސުވާލުކޮށްފާނެއެވެ؟ ލިޔުމަށް ދިއުމުގެ ކުރިން އެގޮތުން ކުރެވޭ ސުވާލުތަކަށް ޖަވާބުވެސް ދޭނަމަވެ. އިން ޝާ ﷲ
އެއީ ޒުވާނެކެވެ. ނަމާދުތައް ޖަމާޢަތުގައި ކުރެއެވެ. ޖަނާޒާ ނަމާދު ނުވަތަ ކަށުނަމާދުތަކުގައިވެސް ބައިވެރިވެއެވެ. މިސްކިތުގައި ބަންގިގޮވައެވެ. އެކަމަކު އޭނާއަކީ ޕައލެޓެކެވެ. މިދެންނެވީ ހަމަ މިދިވެހިރާއްޖޭގެ ދިވެހި ދަރިއެއްގެ ވާހަކައެވެ. ގިނަ ބައަކު މިކަން ދަންނާނެއެވެ.
ދެން ތިރީގައިވާ ލިޔުން ވިދާޅުވެލައްވާށެވެ!
އިސްލާމް ދީން މަތިވެރިކުރުމުގައި އެންމެ ބުރަމަސްއޫލިއްޔަތެއް އުފުއްލަވަން ޖެހިލައްވާނީ ދީނީ ޢިލްމުވެރިންނަށެވެ. އެހެންކަމާއިއެކުވެސް އެއީ ހަމަ ކޮންމެ މުސްލިމެއްގެވެސް ޒިންމާއެކެވެ.
"އުދުހޭ އިމާމް"ގެ ނަމުން ދުނިޔޭގައި މަޝްހޫރުވި "މުސްތަޤިމް" އަކީ ޕައިލެޓެކެވެ. އޭނާއަކީ ދީނުގެ މަތީ ޢިލްމު ކިޔެވި މީހެއްވެސް ނޫނެވެ. ނަމަވެސް ދަތުރުތަކުގައި އޭނާއަށް ލިބޭ ހުސްވަގުތުތަކުގެ ބޭނުން ހިފީ ދީނުގެ އެކިކަން ލިޔެ ހާމަކުރާށެވެ. ހެޔޮ ނަބޭޙަތްދޭށެވެ.
އިސްލާމް ދީން މަތިވެރިކުރުން ނޫން ނިޔަތެއްގައި ޢިލްމް އުނގެނުމަކީ ވަރަށް ނުރައްކައުތެރި ކަމެކެވެ. ދުނިޔޭގެ އެދުމުގައި ޢިލްމު ޙާޞިލުކުރި މިހާއަށް ސުވަރުގޭގެ ވަސްވެސް ނުފެދިދާނެ ކަމުގެ ބިރު އޮތުމުންނެވެ.
މީގެ މާނައަކީ އުނގެންނެން ޖެހޭނީ ހަމައެކަނި އިސްލާމް ދީނުގެ ޢިލްމުކަމުގައި ބެލުމެއް ނޫނެވެ. އިސްލާމް ދީން އުނގެނި އަދި އުނގަންނައި ދިނުމަކީ އެންމެ މަތި އެއް ޢަމަލެވެ. ނަމަވެސް އިސްލާމް ދީން ހުއްދަކުރާ ތަފާތު ޢިލްމުތައް އުނގެނުމަށް އިސްލާމް ދީން ބާރުއަޅައެވެ.
ކޮންމެ ދާއިރާއަކުން ޢިލްމު ޙާޞިލުކުރި ނަމަވެސް ޢަޒުމަކަށް ހަދަންވީ އިސްލާމް ދީން މަތިވެރިކުރުމެވެ. ޢިލްމު ހޯދަން މަސައްކަތްކުރުމުން ޢިލްމު ދެއްވަވަނީ ﷲ ތަޢާލާއެވެ. ވީމާ ޙާޞިލުކުރާ ޢިލްމުން އިސްލާމް ދީން މަތިވެރިކުރަން މަސައްކަތްކުރަންވާނެއެވެ.
އެންމެ މުހިންމު ކަމަކީ ކޮންމެ ޢިލްމެއް ޙާޞިލުކުރި ނަމަވެސް ތިމާއަކީ އިސްލާމް ދީނުގައި ސާބިތުވެހުރެ އިސްލާމް ދީނަށް ޢަމަލުކުރާ މީހަކު ކަމުގައި ވުމެވެ. ދެވަނަ ކަމަކީ ލިބޭ އާމްދަނީން އިސްލާމް ދީން މަތިވެރިކުރަން ހޭދަ ކުރުމެވެ. އަދި އެމީހަކީ ކޮންމެ މަސައްކަތެއް ކުރާ މީހަކުނަމަވެސް ލިބޭ ކޮންމެ ފުރުޞަތެއްގައިވެސް އިސްލާމް ދީން މަތިވެރިކުރަން މަސައްކަތް ކުރުމެވެ. އިސްލާމް ދީނުގެ ރިވެތި އަޚްލާޤް މީސްތަކުންނަށް ދައްކައިދިނުމަކީވެސް އިސްލާމް ދީން މަތިވެރިކުރުމެވެ.
Prophet Muhammad (ﷺ) said,
"He who does not acquire knowledge with the sole intention of seeking the Pleasure of Allah but for worldly gain, will not smell the fragrance of Jannah on the Day of Resurrection."
Abu Dawud, Book 13, Hadith 1391
- އިސްލާމީ ތިލަފަތުގެ ދަރުސަކުން
