ޤައުމީ އެއާލައިން މޯލްޑިވިއަން ގެ ޚާއްސަ ފެއާއެއްގެ ދަށުން، ތައިލެންޑްގެ ބެންކޮކަށް 4،903 ރުފިޔާއަށް (318 ޑޮލަރަށް) ދެކޮޅު ޓިކެޓު ވިއްކަން ފަށައިފިއެވެ.
މިކަމާއި ގުޅޭގޮތުން މޯލްޑިވިއަން އިން ބުނީ ބެންކޮކަށް ތައާރަފުކޮށްފައިވާ މި ހާއްސަ ފެއާގައި، ބެންކޮކަށް ދިޔުމަށް ޓިކެޓު ނަގާ ފަރާތްތަކުން ޖުލައި މަހުގެ 15 ގެ ކުރިން ދަތުރު ކުރަން ޖެހޭނެ ކަމަށެވެ.
މީގެއިތުރުން މިއަގުގައި ޓިކެޓު ނެގުމުން ދަތުރު ކުރާ ކޮންމެ މީހަކަށް 40 ކިލޯގެ ބެގޭޖު އެލަވަންސެއް ލިބޭނެކަމަށްވެސް މޯލްޑިވިއަންއިން ބުނެއެވެ.
ޤައުމީ އެއަރލައިން މޯލްޑިވިއަން އިން ބެންކޮކަށް ހާއްސަ ފެއާރއެއް ތައާރަފްކޮށްފައިވާއިރު، އެ އެއަރލައިންއިން ވަނީ ނިމިދިޔަ ފިތުރު އީދާއި ދިމާކޮށް އިންޑިއާގެ ޗެންނާއީއަށްވެސް ހާއްސަ ޕެކޭޖުތަކެއް ތައާރަފްކޮށްފައެވެ.
