ދިވަހިރާއްޖޭގހެ އިސްލާމީ ޔުނިވަރސިޓީ (އައިޔޫއެމް) ތަރައްޤީކުރުމަށްޓަކައި ބޭނުންވާ އެހީތެރިކަން އޯއައިސީ ޤައުމުތަކުން ހޯއްދަވައިދެއްވުމުގައި އެހީތެރިވެދެއްވާނެ ކަމަށް ރާއްޖޭގެ ކުރީގެ އިސްލާމިކް މިނިސްޓަރުކަމާއި އައިޔޫއެމްގެ ޗާނެސެލަރުކަން ވެސް ކުރައްވާފައިވާ ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ޑރ. ޘަހީމް މިމޭރުމުން ވިދާޅުވީ އައިޔޫއެމް ހިންގުން މެދުކަނޑުއްވައި ނުލައްވަވާނެކަމަށް ރައީސް އިބްރާހީމް މުޙައްމަދު ޞާލިޙް ވިދާޅުވުމުން އެކަމަށް ޝުކުރު އަދާކުރައްވައި ޖިއްދާގައި ހުންނަވައިގެން ކުރެއްވި ޓްވީޓުގައެވެ.
ޑރ. ޝަހީމް މިހާރު ޚިދުމަތް ކުރައްވަމުން ގެންދަވަނީ އޯއައިސީގެ ސެކެޓްރީ ޖެނެރަލްގެ ސްޕެޗަލް އެޑްވައިޒަރުގެ މަޤާމުގައެވެ.
"ވަރަށް ބޮޑަށް ޝުކުރިއްޔާ ޢިއްޒަތްތެރި ރައީސް އިބްރާހީމް މުޙައްމަދު ޞާލިޙް! އައިޔޫއެމް ތަރައްޤީކުރުމަށްޓަކައި ބޭނުންވާ އެހީތެރިކަން އޯއައިސީ ޤައުމުތަކުން ހޯދައިދިނުމަށް ޤައުމީ އިސްލާމީ ޚިދުމަތެއްގެ ގޮތުގައި އަޅުގަނޑު އެހީތެރިވާނަމެވެ."
Varah bodah shukuriya izzatheri raees ibrahim Mohamed soalih. IUM tharaqee kurumahttakai beynunvaa eheetherikan OIC qaumuthakun hoadhai dhinumah alhugandu eheetherivaanameve. Qaumee islaami khidhumatheh ge gothuga eve. https://t.co/VaGJj99jel
— Mohamed Shaheem Ali Saeed (@Mohamedshaheem1) June 26, 2019
